Paasa sa dalawang dyowa

Dear Vanezza,

Sana po ay matulungan ninyo ako sa problema ko. Nakilala ko si Mariz sa restaurant na pinagtatrabahuan ko. Mabait, sweet, at gandang-ganda ako sa kanya. Naging mag-on kami. Napamahal na siya sa akin nang husto. Kaso hindi ko maipagtapat sa kanya na may GF ako na nasa Dubai na may plano kaming pakasal pagbalik niya after ng 2 years. Nalulungkot kasi ako mula nang umalis ang GF ko. Mahal ko ang nobya ko sa Dubai. Pero mahal ko na rin si Mariz. Ano ang gagawin ko? - Joe

Dear Joe,

Hindi rason na nalulungkot ka kaya nakipagrelas­yon ka rin sa iba. Kahit ano pa ang iyong dahilan nanloloko ka pa rin ng dalawang tao. Mamili ka kung sino ang mas matimbang sa kanilang dalawa. Kung hindi mo kayang malayo sa iyo ang iyong mahal, piliin mo si Mariz, pero ikaw pa rin ang magdedesisyon kung sino ang mas mahal mo. Unfair na dalawa silang pinaasa mo. Kaya magdesisyon ka habang maaga bago pa lumala ang sitwasyon.

Sumasaiyo,

Vanezza