Bumabagsak ang Grades Dahil sa ka-chat
Dear Vanezza,
Ako po si Nikki, 19 years old. Ako po’y nasa kurso ng education sa isang university. Kabilang po ako sa listahan ng mga dean lister. Wala akong problema sa mga grades ko. Isa ako sa mga paborito ng mga prof. ko at laging number 1 sa mga exams. Pero bumaba ang mga grades ko dahil napupuyat ako sa ka-chat ko. May na-meet ako sa chat na isang Fil-Am na boyfriend ko na ngayon na taga-Alaska. Magkaiba kasi ang oras namin. Gabi sa atin at umaga sa kanila. Madalas hindi ako makapasok sa mga klase ko dahil puyat ako sa kaka-chat sa kanya. Ano po ang gagawin ko?
Dear Nikki,
Puwede naman ma-in love at makiapag-chat pero hindi dapat sinasayang ang pag-aaral. Dapat priority lagi ang pag-aaral. Siguruduhin na bumili ka ng hi-tech na cell phone na kahit saan ay puwede kang mag-chat kahit magkaiba ang oras n’yo. Tiyak hindi rin payag ang Fil/Am BF mo na mapabayaan ang pag-aaral mo dahil lang sa kanya. Kaya schedule mo lang ang pakikipag-chat sa kanya.
Sumasaiyo,
Vanezza
- Latest