In-love sa pinsan

Dear Vanezza,

Ako po si Michelle, 19, engineering student. Kakaiba po ang problema ko. Of all people ay bakit parang na-inlove ako sa pinsan ko. Pamangkin siya ng papa ko at nasa late 20’s pa at isang binata. Nagbalik-bayan siya from the US at sa bahay namin natuloy. Enjoy akong kausap siya, matalino, at may sense of humor. Normal po bang ma-in-love sa kamag-anak? Paano ko kaya mapipigilan ang feelings ko kahit alam kong mali?

Dear Michelle,

Normal humanga sa isang tao, kamag-anak mo man o hindi. Tao lang tayo. Pero binigyan tayo ng talino ng Diyos para malaman ang tama at mali. Gamitin mo ang talinong yan. Kung alam mong mali, kalimutan mo na lang. Itanim mo na lang sa isip mo na kadugo mo ang taong yan na hinaha­ngaan mo at ipinagbabawal ang makipagrelasyon sa kanya. Marahil ay hindi naman talaga love ang nararamdaman mo kundi paghanga lang kaya naniniwala akong lilipas din ‘yan. 

Sumasaiyo,

Vanezza