Nagpapanggap na Binata

Dear Vanezza,

Simple lang po ang aking pangarap, ang magkaroon ng sariling pamilya. Pero bakit po lagi na lang akong luhaan. Bakit po kaya maraming lalaki ang manloloko, mapagsamantala, nagpapanggap na walang asawa o nobya at ayaw ipakilala ang tunay nilang pagkatao? Ngayon po ay may nagpaparamdam sa akin. Gusto ko na siyang sagutin kaso natatakot ako na mabigo muli. - Lilet

Dear Lilet,

Sinasabi mong maraming lalaki ang manloloko. Pero hindi ba’t may kasa­bihan din tayong walang manloloko kung walang nagpapaloko? Kaya sa susunod na magkaroon ka ng ka-partner sa buhay ay maging matalino ka na. Kilalanin mong mabuti at huwag agad padala sa dikta ng puso.

Sumasaiyo,

Vanezza