Play girl ang gf

Dear Vanezza,

Ako si Arlon, 25. May gf ako. Lagi niyang sinasabi sa akin na trial period pa lang kami para matiyak niya ang damdamin sa akin. Wala raw munang seryosong commitment. Pero nabalitaan kong may isa pa siyang bf. Nang tanungin ko siya umamin siya. Sabi niya, trial period din sila ng isa pa niyang bf at wala ring seryoso sa kanilang relasyon. Sabi niya sa akin, karapatan niyang kilatising mabuti ang bawat bf niya. “Collect and select” ang kanyang katuwiran. Pero sa palagay ko ay mali. Sana, imbes na mangulekta siya ng bf ay huwag niya munang sagutin ang mga manliligaw niya. Hindi ba para niyang pinaglalaruan ang mga lalaki? Dapat na ba akong makipag-break?

Dear Arlon,

Sa tingin ko ay hindi pa handa sa isang seryosong relasyon ang iyong gf. Bigyan mo siya ng kaluwagan. Hayaan mo muna siyang gawin ang lahat ng nais niyang gawin. Dahil darating ang panahon na seseryosohin ka rin niya kung makakapa niya sa kanyang sarili na ikaw talaga ang mahal niya kumpara sa ibang mga manliligaw niya.

Sumasaiyo,

Vanezza