Nagseselos sa ex-bf ng kanyang gf

Dear Vanezza,

May gf po ako ngayon at maganda naman ang relasyon namin. Pinag-uusapan na rin namin ang kasal. Kaya lang, isang pangyayari ang nakapagdulot sa kanya ng confusion.

Noong nakaraang taon ay binisita siya ng kanyang ex-bf. Ang pagkukwentuhan nila sa kanilang nakaraan, ang pagsasabi ng lalaki na mahal niya pa rin ang gf ko sa kabila na may asawa at anak na siya.

Maging ang pagbibiro na gusto raw makipag-sex sa gf ko, ikinuwento itong lahat sa akin ng nobya ko. Medyo nasaktan ako sa mga ikinuwento niya dahil parang nagkaroon pa siya ng pag-aalinlangan, para bang nag-isip siya. Mula noon nagkaroon na ako ng matinding selos. Mahal na mahal ko po ang nobya ko. Normal lang ba ang nararamdaman ko o ako ba ay nagiging possessive o nagseselos lang? - Bimbo

Dear Bimbom

Normal ang nararamdaman mong selos pero sa kabila nito, dapat magtiwala ka sa nobya mo. Naging matapat siya sa pagsasabi nang pangyayari pati na sa pagtutol niya sa hinihingi ng ex niya na makipag-sex. Kung makadarama man siya ng confusion ay sa dahilan marahil na may pinagsamahan din sila ng kanyang ex na once upon a time ay naging magkasintahan sila. Ngunit wala ka nang dapat ipag-alala dahil may asawa na naman ang kanyang dating nobyo. Tandaan mo, ang pag-ibig ay hindi mapanibughuin at marunong umunawa.

Habang hindi pa kayo kasal ay ipakita mo na hindi kayang higitan ng kanyang ex ang pag-ibig na maibibigay mo sa kanya.

Sumasaiyo,

Vanezza