May sabit ang bf

Dear Vanezza,

I’m a single mother with 2 kids. May karelasyon ako ngayon. Nasa abroad ang misis niya. Nagkaki­lala kami sa text. Hindi ko alam na may asawa siya at anak. Kahit masakit mas pinili kong ituloy ang relasyon namin kaysa mawala siya sa buhay ko. Ang problema ko, dumating ang misis niya at parang magtatagal dito sa Pinas. Halos hindi na niya nasasagot ang mga text at tawag ko at kung masagot niya ay madalas nauuwi sa away. Gusto ko pong bumalik sa dati ang buhay ko pero hindi ko magawa. Masyado ng magulo ang isip ko. Anong gagawin ko? - Maya

Dear Maya,

Ikaw din ang gumugulo sa iyong isip. Batid mong pamilyado ang karelasyon mo, alam mo rin na mali ang patuloy na pakikipagrelasyon sa kanya pero pinapayagan mong mangyari. Hindi mo maibabalik ang dati mong buhay kung hindi ka gagawa ng paraan para mabago ito. Putulin mo na ang maling pakikipagrelasyon sa kanya dahil wala itong patutunguhan. At the end of the day ika nga, ang misis pa rin niya ang mas may karapatan sa kanya. Hindi ito madali sa umpisa pero magbubunga ito ng maganda sa buhay mo. Pagtuunan mo na lang ng atensiyon ang iyong mga anak at darating din ang tamang panahon na makakatagpo ka ng lalaking mamahalin mo at iibigin ka ng tunay.

Sumasaiyo,

Vanezza