‘?Di matanggap? parangal ng UST kay Mocha Uson, inalmahan ng mga estudyante!
Malupit ang banat ng netizens kay Communications Assistant Secretary Mocha Uson nang gawaran siya ng parangal ng University of Santo Tomas (UST) Alumni Association nitong nakaraang mga araw.
Ayon sa Presidente ng alumni group na si Henry Tenedero, binigyan si Uson ng Thomasian Award for Government Service upang magsilbing inspirasyon sa ibang government workers. Bahagi ng statement ni Tenedero, “Who we are, the UST Alumni Association, to judge your – whatever – sense of morality? That’s why we are giving you the award to inspire you to lead.”
Pahayag naman ni Asec. Uson sa award, “It is a great honor for me that my Alma Mater recognizes my efforts to fight for change in our country. If my stay in UST has taught me something, it is to fight for what I believe in regardless of the difficult obstacles ahead.”
May bumatikos at meron namang sumang-ayon sa parangal na tinanggap ni Asec. Uson. Isa na sa bumatikos ay ang UST Student Council. Bahagi ng statement ng USTSC, “We express dismay over this even as Mocha Uson does not, in any way embody the ideals of a real Thomasian, and with all due respect.”
Sey naman ng netizens, may iba pang alumni na mas deserving sa ganoong award.
Buwelta naman ni Uson sa kanyang bashers sa kanyang Facebook blog, “Ang patuloy naman ninyong pangba-bash ay patunay lang na may freedom of expression/speech sa ating bayan.”
Trending topic sa Twitter last Sunday ang balitang ito. Nakasabay nitong trending topic ‘yung sa American motoring journalist na si James Deakin. Naging viral din ang photo niya kasama ang former senator Bongbong Marcos, martial arts superstar at Architect Palafox.
Dawit si Kris Aquino sa post ni Deakin pero naayos din ang gusot ng dalawa nang maging tulay si Luis Manzano sa pagbigay ng phone ng kanyang “ninang Kris” kay Deakin.
‘Yun nga lang, mas pinag-usapan sa social media si Mocha kesa kay Kris, huh!
James pumiyok sa paglalasing
Idinenay ni James Reid ang lumabas na tsismis na kaya raw na-pack up ang isang shooting ng movie nila ni Nadine Lustre na Never Not Love You ay dahil lasing siya the night before. “I am not drunk!” bulalas ni James sa interview sa kanya ni Darla Sauler.
Ang alam ni James, kanselado na raw ang schedule ng shooting nilang ‘yon. Sa panig naman ni Nadine, ang sakit niya sa likod ang malaking dahilan kaya hindi niya kinayang mag-shooting.
Abangers siyempre ang JaDine fans na maging smooth na ang shooting ng movie ng kanilang idolo ngayong pinag-ayos na sila ng director nitong si Antoinette Jadaone.
Kasalukuyang nasa London ngayon ang reel and real lovers para sa shooting ng pelikula.
- Latest
