Angelica umaming nagpaka-boba, naging tanga kay John Lloyd!
Angelica
“Tanga! Naisahan ka. Boba.
“That girl, tatanga-tanga pa rin talaga. ‘Di na natuto.”
Sabi ni Angelica Panganiban sa sarili nang pag-usapan ang tungkol sa nangyari sa kanila ng kanyang ex na hindi niya binabanggit ang pangalan nang mag-guest sila ni Judy Ann Santos sa Gandang Gabi Vice last Sunday.
Pero aminado ang aktres na naka-move on na siya at nagagawa na niyang paglaruan ang mga nangyari sa kanya at sa ex na alam ng lahat ay si John Lloyd Cruz na sinasabi ngang magiging ama ng panganay ni Ellen Adarna.
Isa pang nakakatawang kuwento ng aktres sa nasabing guesting ay nang sinisingil siya ng restaurant na paborito nilang puntahan noon ng actor.
Dahil nga pakiramdam niya ay ok na siya, inaya niya ang mga nakasama sa Ang Dalawang Mrs. Reyes na dun sila kumain.
Pagdating daw doon ay sinisingil siya ng P9,000. Gulat na gulat umano siya.
Nang tingnan daw niya ang resibo ay nakita niyang wala na sila sa petsang ‘yun ng actor kaya alam na niya na si Ellen Adarna ang kasama nito. Hindi raw niya binayaran. ‘Yung kasama lang niya ang babayaran niya dahil may pirma naman. Kaso sabi raw ni sir (referring to JL) ay siya na ang magbayad.
“Ano’ng kalokohan ‘yun. May pirma nga eh,” sabi ni Angelica.
Ngayon ay mina-match uli ang actress sa first boyfriend niyang si Carlo Aquino.
- Latest
