Angel nakapili na ng golden buzzer act
MANILA, Philippines — Isang act ang makakakuha ng Golden Buzzer ng aktres na si Angel Locsin ngayong weekend sa world-class talent search na Pilipinas Got Talent.
Talaga namang namangha si Angel sa naturang act at naantig sa inspirasyong hatid nito, kaya hindi na nagdalawang isip ang PGT judge na padiretsuhin ito sa semi-finals.
Ito na ang ikalawang Golden Buzzer ng kasalukuyang season, matapos ibigay ni judge Freddie “FMG” Garcia ang kanyang Golden Buzzer sa grupong Bardilleranz para sa kanilang nakakabilib na pull up bars act.
Ngayong nakaraang weekend, nagpapasiklab na naman ang mga Pinoy at ipapamalas ang kanilang mga talento tulad ng aerial dance, kabogerang lipsynch performance, pagma-magic, at pati paggamit ng e-cigarrette.
Huwag palalampasin ang Pilipinas Got Talent tuwing Sabado, 7PM, at tuwing Linggo, 7:30 PM sa ABS-CBN.
- Latest