Carlo itinadhana kay Angelica?!
Balitang hiwalay na sina Carlo Aquino at ang girlfriend nitong si Kristine Nieto. Isang reporter na close friend ni Carlo ang nag-confirm na totoo ang balita pero tikom daw ang bibig ng aktor kung ano ang reason ng paghihiwalay nila kahit six years na ang kanilang relasyon.
Tanong tuloy, ngayong loveless si Angelica Panganiban at loveless na rin si Carlo, magkaroon kaya sila ng “love is lovelier the second time around?”
Napanood namin ang isang interview kay Angelica at ito ang itinanong sa kanya. Sagot ng dalaga, “Sa lahat ng mga ex ko, si Carlo lamang ang puwedeng maging kaibigan ko.”
At nasorpresa nga si Angelica nang after ng interview ay dumating si Carlo at nagbeso silang dalawa.
Si Carlo ang unang boyfriend ni Angelica.
Nanlait sa pagiging influencer ni Maine, binakbakan!
Sorry na lamang ang isang basher na kinanti ang AlDub Nation (ADN) na nagmagaling at nagsabing magkaiba raw ang meaning ng endorser at influencer matapos lumabas na isa si phenomenal star Maine Mendoza sa mga influencer ng MAC cosmetics at pumunta pa ng Toronto, Canada para siya mismo ang personal na gumawa ng lipstick na ie-endorse niya.
Ang endorser daw ay may posters, TVCs, and extensive & expensive ad campaigns. Samantalng ang influencer ay hanggang promotional events, online posts lang daw. Minaliit din niya ang endorsers. Magyabang daw ang fans ni Maine kung Lancome ang kumuha sa phenomenal star at gawin talagang endorser kahanay nina Julia Roberts.
Kaya ayun at nakatikim siya mula sa ADN na siguro raw ay hindi niya afford ang price ng MAC which is under Estee Lauder. May nag-comment din na “Kung ang glorified promo girl is being paid worth millions then why not. Im really so proud that a true blooded Pinay is chosen by MAC.”
May nag-comment namang PR practitioner na “Yes, magkaiba ang endorser at influencer but nowadays its huge impact to get an influencers, esp for international brand because they need to market their brand to different countries using their most influential personality of that country.”
Dugtong pa ng ADN, kung iyon daw favorite scent ni Maine na napakamahal kahit hindi siya endorser ay nabili nila, bakit hindi ang brand at color ng lipstick na si Maine mismo ang gumawa?
Mikoy at Mikee napabilib si Cherie
Huhusgahan na mamayang hapon ang bagong adventure-filled fantasy series ng GMA Public Affairs na Sirkus. Ang family-oriented program ay tungkol sa kambal na sina Mia (Mikee Quintos) at Miko (Mikoy Morales) na nahiwalay sa parents at namuhay kasama ang grupo ng mga salamangkero sa Sirkus Salamanca ni Leviticus na siyang nag-ampon sa kambal.
Kung may mga nang-bash kina Mikee at Mikoy na hindi raw sila dapat binigyan ng lead role sa serye, kay Ms. Cherie Gil naman na kasama nila bilang si La Ora, nabanggit nitong, “I just love the whole cast, especially Mikoy and Mikee, they are new but talented, very open and authentic. They’re really a good batch of new stars and they make me feel like their real Tita.”
Kasama rin nila sina Andre Paras as Martel, Klea Pineda as Sefira, Chariz Solomon as Astra, Sef Cadayona as Al. May special participation naman sina Zoren Legaspi at Angelu de Leon. Si Zig Dulay ang director ng serye na mapapanood na simula mamayang hapon, 6:10 p.m. sa GMA 7.
- Latest
