Moira napi-pressure sa mga ginagawang kanta
Nagbubunyi ang mga tagahanga ni Moira dela Torre na sa wakas ay officially pumirma na nang kontra ang singer sa Star Music ng ABS-CBN nung Miyerkules.
Excited na rin ang fans sa hinahandang album ni Moira bago pa ang pagpirma ng singer ng contract sa music label ng ABS-CBN.
Hindi rin matapos ang blessings ni Moira dahil kahit baguhan pa lang ay humakot na ito ng awards sa katatapos na 3rd Wish 107.5 Music Awards bilang winner ng WMA’s judges at nominees ng kantang Malaya na ginawa last Monday sa Smart Araneta Coliseum.
First time na tumanggap ng awards ni Moira na parang kailan lang ay pinapangarap lamang niya. Pero hindi raw siya tumigil na magdasal at ngayon ay dream come true ang lahat para sa singer.
Nagpapasalamat si Moira na mayroong na siyang pagkakataon para i-share ang OPM sa indie at mainstream fans. Promise ng singer sa mga Moiters (tawag sa kanyang fans) na pagbubutihin niya ang kanyang music kahit pa aminado ito na dobleng pressure ang pagsusulat niya ngayon ng mga kanta dahil sa mga nag-aabang, naniniwala at nakikinig sa kanyang mga kino-compose.
‘Di naman ito kataka-taka dahil maraming millennials ang nakaka-relate sa kanyang mga kanta na unang narinig sa mga OST ng mga pelikulang Pinoy.
Samantala, malapit na ang solo concert ni Moira na gaganapin sa KIA Theater sa February 17 at 18. Pinamagatang Tagpuan, ngayon pa lang ay ‘di na magkamayaw ang fans sa pagbili ng tickets.
- Latest