Mag-inang Jenine at Janella, bad influence! ‘Di dapat tularan ang awayan

MANILA, Philippines — Hindi na raw nakakatuwa ang pag-aaway na ipinakikita ng mag-inang Jenine Desiderio at Janella Salvador sa publiko, mga artista sila at huwag sanang gayahin ng mga tagahanga ang inuugali nilang mag-ina.

Alam daw ng isang ina ang tamang gawain para sa anak at ayaw niyang maligaw ng landas ang anak kapag mali na ang ginagawa, remember, may karma sa ending kapag hindi naayos ang problema. Kadalasan may mga anak na sumasagot-sagot sa parents kapag sobrang in love sa dyowa nila.

Balitang si Elmo Magalona ang boyfriend ni Janella.

Nora may pelikulang tungkol sa mga higante!

Maganda ang pasok ng bagong taon kay Superstar Nora Aunor. Kung matutuloy kasi ang plano ng pinakaabalang bagong movie producer ngayon na si Ms. Baby Go, gagawin ng Superstar ang movie titled Sa Mundo Ng Mga Higante.

Halatang may temang fantasy ang pelikula na ididirek ni Louie Ignacio.

Medyo nawala sa sirkulasyon si Guy dahil inaasikaso niya ang mga lupain niya sa Bicol na nagkaroon ng problema. May balita rin kaming pagsasamahin sina Nora at dating Miss Baron Travel Girl na si Charo Santos. Magandang proyekto ang nabanggit na plano ni Ms. Baby Go na tiyak magbibigay kasiyahan sa local moviegoers.

Kaway ni Maine naaalala kay Nora

Maswerte si Maine Mendoza dahil nagbalik siyang walang nakaupo sa trono na iniwan niya.

Nagbalik siya mula sa matagal na pagbabakasyon sa Amerika. Kalimitan kasi ay nababawasan ng ningning ang mga artistang nagbakasyon ng matagal-tagal.

Noong sumugod sa Talavera, Nueva Ecija ang sugod-bahay ng Eat Bulaga, mistulang fiesta sa dami ng taong ibig makakita kay Maine. Imagine, kumaway-kaway lang siya sa tao ay naghiyawan na ang fans. Naalala tuloy namin ang kasikatan ng Superstar na si Nora Aunor na itaas lang kamay at magsenyas ng I love you ay halos magwala na ang mga tao.

Dapat ituloy ni Maine ang pagmamahal sa kanyang trabaho, sabi nga, love your job at hindi ka iiwanan nito.

Sana sa next movie project nila ni Alden Richards ay iba naman ang istorya na tipong magugustuhan talaga ng marami.

Eula hindi na kailangang mag-parlor

Maraming nakakapansin na sobrang gumaling sa pagganap bilang kontrabida ni Eula Valdez.

May mga nagkomento na kahit daw nakangiti ‘pag kinakausap si Eula ay galit at kontrabida pa rin ang tingin ng mga ito sa aktres.

Halos magkasapawan na rin sila ni Mylene Dizon sa seryeng The Good Son.

May nagkwento nga, nakakahinayang daw ang pagpapa-parlor ni Eula dahil sasabunutan lang pala sa eksena ni Mylene. Mahal pa naman magpa-parlor ngayon.