Kasal ni Michelle Ortega sa general, ‘di pinalampas ni Pres. Digong

Absent kahapon sa Eat Bulaga si Senator Tito Sotto dahil magkasama kami sa Baguio City bilang mga principal sponsor sa kasal ni Michelle Ortega at ni Papa Greg.

Nag-join sa Baguio City trip ni Tito Sen ang kanyang kapatid na si Vic dahil maglalaro sila ng golf. Kasama ni Bossing sa Baguio ang kanyang mag-ina, si Pauleen at ang anak nila na si Talitha na first timer sa City of Pines.

Cute na bata si Talitha na sa tingin ko eh mas kamukha ni Pauleen kesa ni Bossing Vic.

Siyempre, mahigpit ang security sa venue ng kasal nina Michelle at Papa Greg dahil ninong si President Rodrigo Duterte at ang ibang mga matataas na government official.

Matagal na panahon na mula nang bumiyahe ako sa Baguio City at sa totoo lang, gandang-ganda ako sa mga probinsya na dinaanan namin. First time ko na dumaan sa SCTEX at TPLEX kaya lalo kong na-appreciate ang kagandahan ng ating bansa.

Heart first time naramdamang appreciated ang kanyang ginawa!

Bukas na ang farewell episode ng My Korean Jagiya kaya nagpapasalamat sina Heart Evangelista at Alexander Lee sa lahat ng mga sumuporta at sumubaybay sa top-rating romantic comedy television series nila sa GMA 7.

Tiyak na mami-miss nina Heart at Alexander ang isa’t isa, pati ang co-stars at production staff ng My Korean Jagiya.

“To be honest, after a really, really long time, it’s the first time that I felt that people appreciated me, and my efforts.

“I’m so thankful na na-appreciate ninyo and naipakita ko rin ang love ko for my job. To the show, to the staff and to GMA, I just want to put it on record, I fell in love with my work again because of this show.

“Binusog ninyo ako ng bonggang- bongga. Thank you to the fans, to everyone, to the writers, and thank you even to the people that pushed me to do my best and it worked,” ang mensahe ni Heart sa lahat ng mga tumangkilik at naging bahagi ng My Korean Jagiya.

Dahil nabawasan ang trabaho ni Heart, mukhang open siya na gumawa ng pelikula. Si Heart ang personal choice ni Joel Lamangan para magbida sa Angela Lumunsad na ipo-produce ng movie company ni Baby Go.

Si Joel ang direktor ng Angela Lumunsad at si Heart ang gusto niya na magbida sa kanyang bagong project sa BG Productions International.

Direk Mark pinuri ang pagiging magaang katrabaho ni Heart!

Nagpapasalamat naman kay Heart ang My Korean Jagiya director na si Mark Reyes dahil magaan siya na katrabaho.

Sinabi ni Mark na parang tunay na pamilya ang turing niya sa cast ng My Korean Jagiya kaya may sadness siya na nararamdaman sa pagtatapos ng teleserye nila.

“This is my third project with Heart. It’s always a joy to work with her. She’s grown so much as an actress and has become more beautiful.

“Alexander and the rest of the Korean cast are the ones I will truly miss. They’ve become family almost immediately.

“And I think Xander is an underrated Korean artist that I will look forward to working with again. Please allow me to say thank you to all the Kapuso Jagiyas for watching us until the very end. Gomawo,” ang thank you statement ni Mark.