Toni wala nang paki sa pagiging kabit daw ni Erich!

Dedma na si Direk Paul Soriano sa patuloy na pang-iintriga sa kanila ni Erich Gonzales. Maging ang misis niyang si Toni Gonzaga ay wala nang pakialam sa kahit anong sabihin ng bashers/trolls.

Si Erich ang bida sa pelikulang Siargao na nadagdagan na ang mga sinehan simula nang manalo ng pitong major awards sa Gabi ng Parangal ng Metro Manila Film Festival (MMFF).

Tuloy ang pag-aakusa na kabit diumano ni Direk Paul si Erich. Maging si Kris Aquino ay naalarma sa isyu kaya naman sinagot niya ang isa sa mga basher.

Pero ang mag-asawang Paul at Toni, mas gusto pang makipaglaro sa anak nilang si Seve kesa patulan ang mga intriga.

Alam daw nila ang katotohanan kaya wala na raw ‘yung epekto ayon kay Direk Paul na naka­tsika namin sa thanksgiving presscon na ipinatawag niya kahapon.

Wa nang paki sa career John Lloyd at home sa pamilya ni Ellen

Part of the family na si John Lloyd ng pamilya ni Ellen Adarna.

Sa kumalat na picture kahapon na kuha sa Cebu, parang at home na at home ang actor sa pamilya ng sinasabing magiging ina ng kanyang first baby. Kilalang mayaman sa Cebu ang angkan ng sexy actress.

‘One big happy family’ ang caption sa nasabing photo.

Nanatiling tahimik ang dalawa sa kung anu-anong isyu sa kanila. Pero ang isang sigurado ay tanggap na tanggap ng pamilya ni Ellen ang actor base sa kanilang mga post sa social media.