Jericho game na game uli kay Heart!

Naging issue kamakailan ang pagkikita ng mag-ex na sina Jericho Rosales at Heart Evangelista sa isang event at ayon sa aktor nang mahingan namin ng reaksyon tungkol dito sa presscon ng Siargao, hindi naman daw ‘yun ang first time na nagkita sila ng ex-girlfriend.

“It’s not the first time. Mas maraming beses na kaming nagkita sa events and magkasama kami lagi ni Kim (Jones, his wife). So nagkakabungguan kami parati,” sey ni Echo.

Ano ang reaksyon niya na parang nabuhay bigla na naman ang mga fans nila ni Heart dahil sa pagkikitang ‘yun?

“Nabaliw sila. Actually kami ni Kim, nagbabasa kami ng mga comments sa Instagram, tawa kami nang tawa kasi merong mga kung ano-ano na silang istorya na nabuo, ‘di ba?

“So it was really fun for Kim and I to look at that and watch,” he said.

Nagulat nga raw si Kim sa tindi ng reaction ng fans sa kanila ni Heart kaya ipinaliwanag niya kung ano ang nangyari before, na loveteam sila before and all the past stuff sa kanila.

“Siyempre, loveteam before. It was a new concept, hindi naman new concept para sa kanya, a deeper understanding on what a loveteam is,” saad pa ni Echo.

Pero okay lang ba kay Kim ang mga nabasang reaksyon ng fans?

“Oo naman. And that’s something that I’m so... kanina, I was driving here, I told myself na I’m so blessed to have a wife like Kim because super understanding, the trust is something that I’m so grateful for.

“And you know, Heart and I, we handle it like mature people, you know, tapos na ‘yung episode ng buhay namin na ‘yun, we’re both married and we feel like ang gaan ng mundo, makakagalaw tayo ng maayos nang walang nanghuhusga at kung anu-ano, ‘di ba? We’re all friends.

“It’s a new chapter, so that’s about it,” he said.

When asked kung okay ba sa kanya to do a project with Heart at ani Echo, matagal na raw niya itong nasagot.

“I’ve said a long, long time ago, such a long, long time ago – if the project is right, kahit sino pa ‘yan. Whether it’s Kristine (Hermosa), Heart, Cindy Kurleto,” natatawang sabi ni Echo.

Ang mga nabanggit ay pawang mga ex-girlfriend niya.

“Like I said kanina, I’m an actor, okay lang sa akin ‘yun. Masaya pa ‘yun,” sey pa ng leading man ni Erich Gonza­les sa Siargao.

Erich nagsalita sa Diva Attitude

Speaking of Erich, balik-Metro Manila Film Festival (MMFF) ang aktres sa pelikulang Siargao kaya naman excited and happy siya. Huling MMFF movie niya kasi ay ang Shake, Rattle & Roll in 2014.

“Well it’s nice to be back to be back and to do a movie na… nakaka-excite ito ‘yung story mismo. And then siyempre ‘yung setting niya, one of the beautiful destinations in the country and swerte tayo na napasali rin siya sa Metro Manila Film Festival,” saad ni Erich.

Sa Siargao ay maraming first time na ginawa ang aktres tulad ng surfing, cliff jumping, riding the motorbike and working with her co-stars and her director.

“Nandoon kami for a like a month, I mean balikan naman. Sobrang ganda ng experience namin dun kasi parang you’re working pero at the same time parang nagbabakasyon ka rin doon,” she said.

Erich describes their set as ‘one big happy family’ as she learned life lessons from Jericho, got along well with Jasmine and appreciated the passion of Direk Paul Soriano for his craft.

“We all got along, like what I said kami-kami lang and andun eh. Nagtutulungan rin kapag kailangan ng example sa camera or ilaw, tulong-tulong walang diva or ano,” pahayag pa ni Erich.