Heart puring-puri nina Dawn at Sharon!

Nag-host ng isang dinner si Heart Evangelista sa kanyang bahay nu’ng Biyernes at ilan sa dumalo ay ang favorite designer niyang si Mark Bumgarner at si Dawn Zulueta. May photo together sila ni Dawn at inilabas ni Heart ang damdamin niya sa IG nu’ng sanda­ling ‘yon.

“She’s even more beautiful in person. I admire her grace and style...such elegance. Lovely to see you @dawnzulueta,” caption ni Heart.

Sinegundahan naman ni Sharon Cuneta ang deskripsyon ni Heart kay Dawn sa thread ng comments.

“Dawn is really more beautiful in person, Hearty! And so are you,” komento ni Shawie.

“Thank you, @iamhearte. Always lovely running into you, you’re so amazing. Happy holidays!” tugon naman ni Dawn.

Sagot naman ng bida ng My Korean Jagiya kay Sharon, “Aww love you mama!!! Merry Xmas!!!”

May inamin sa balikan Sunshine binalaan ang mga umaaligid sa asawa!

Magpapakaligaya ngayong Pasko sa Amerika si Sunshine Dizon kapiling ang dalawang anak at da­ting asawa na si Timothy. Co-parenting ang tawag niya sa sitwasyon nilang mag-asawa at aprubado sa kanya ang set up nilang ‘yon.

“Pero ‘yung magkakabalikan kami ni Tim wala pa ako sa sitwasyong ‘yon. Hindi pa ako ready.

“Hindi kami super friends pero civil kami. Puwede mo kaming makita ni Tim na nasa labas at puwedeng isipin na nagkabalikan na kami. Pero hindi po. We’re just civil and perfect ‘yung term na co-parenting sa aming dalawa,” pahayag ni Sunshine nang makausap ng press kaugnay ng awards at tagumpay ng GMA afternoon series niyang Ika-6 na Utos.

Ayon pa kay Shine kinikilig ang dalawa niyang anak kapag nakikita sila ng ama nila na magkasama.

“Actually, si Doreen, ‘yung mas mature, one time, siyempre nakikita ko rin naman sa mga anak ko, pag kunyari, pag Sunday lumalabas kaming family, nagma-mall kami, ‘yung anak ko parang kinikilig na hindi mo maintindihan.

“Parang ikukuwento ng friend ko, ‘O, humu-hopia na naman ang anak mo.’ So kakausapin ko kasi I don’t want to confuse her also. I tell her, ‘Doreen, did you understand that mom and dad are friends?’ Sinasabi niya sa akin ‘Yeah, mom, I am happy that you and dad are okay. Friends. Instead of you being together but you’re always fighting.’ So, okay. May masasabi pa ba ako roon! Ha! Ha! Ha!” chika ni Shine.

Hindi pa siya open sa suitors. Rason niya, technically married pa rin siya dahil hindi siya nag-file ng annulment ng kasal nila ni Tim.

“I’m still Mrs. Tan kaya ‘yung umaaligid kay Timothy, beware! Ha! Ha! Ha! Asawa pa rin ako, ‘no?” bulalas ng aktres.

Kaya ngayong Christmas, buo ang pamilya ni Sunshine dahil kasama nila ang dating asawa at mga anak.