AiAi, pera ang request na wedding gift!

Sosyal ang wedding invitation nina AiAi delas Alas at Gerald Sibayan. Ang ipinagkaiba nito, kalakip nito ang video ng kanilang pre-nuptial shoot sa Cebu kung saan cheesy na cheesy ang ikakasal.

Ilan sa ninong na nakalista na nasa pulitika at showbiz ay sina Boy Abunda, Jejomar Binay, Senators Dick Gordon at Ralph Recto, Chavit Singson, Atty. Felipe Gozon ng GMA, Antonio Tuviera ng APT Entertainment, Willie Revillame habang sa mga ninang naman, nakalista sina Cory Vidanes, Lolit Solis, Mother Lily Monteverde, Cong. Vilma Santos-Recto, Cristy Fermin, Ana Puno at Marivin Arayata ng GMA.

Matron of Honor si Sharon Cuneta habang Maid of Honor ang anak ni AiAi na si Sophia Andrew delas Alas. Best Men naman sina Sancho Vito delas Alas at Alden Richards.

Ilan sa groomsmen sina Bayani Agbayani, Piolo Pascual, Randy Santiago, Ogie Alcasid. Lito Alejandria. Bridesmaids sina Regine Velasquez-Alcasid, Barbie Forteza, Lovely Abella, Valeen Montenegro, Rufa Mae Quinto, Eugene Domingo.

Candle sponsors naman sina Vic Sotto at Pauleen Luna-Sotto habang veil sponsors sina Dingdong Dantes at Marian Rivera-Dantes.

Sa December 12 ang Sibayan-Delas Alas nuptial sa isang church sa QC habang sa Makati ang reception. Naging vocal naman ang ikakasal na mas maa-appreciate nila ang regalong pera para pampatayo ng tatawagin nilang dream house.

Dayanara pinatunayang Dancing Queen

Umaariba ang pagiging Dancing Queen ng former Miss Universe na si Dayanara Torres nang tanghalin siyang champion ng Univision’s Mira Quien Baila.

Ibinahagi ang balita ni Angeli Pangilinan-Valenciano na naging bahagi rin ng movie career ni Dayanara sa bansa.

“Glory to God! Yari we are happy for you! Your Philippine family rejoices in a much deserved win! Thank you to all the fans for voting for her!!!” saad ni Angeli sa Instagram account.

Huling bumisita sa bansa si Dayanara last January kung saan isa siya sa judges sa Miss Universe 2016.

Deadma walking madugo ang pinagdaanan

Mahigit dalawang dekada na si Julius Alfonso bilang assistant director. Pero ngayon lang siya nagdesisyong magdirek ng unang full-length movie, ang Deadma Walking. Eh sinuwerte naman siya dahil napili ang gawa niya bilang isa sa official entries para sa 2017 Metro Manila Film Festival.

Kahit nakakontrata sa Viva, pinayagan si Julius na gawin ang movie. Mentor niya nang magsimula bilang writer ang yumaong producer na si Mina Aragon na inakalang isa siyang director at pinagdidirek agad.

Eh, isang award-winning script ang pelikula na sinulat ni Eric Cabahug at nanalo ng second prize sa Palanca last year kaya lalo siyang na-inspire sa paggawa. Natiyempo ring naghahanap ng script ang T-Rex Entertainment na si Rex Tiri last year bago magdesisyon na mag-quit na bilang producer. Nagustuhan ito ng producer kaya nagbago ang kanyang desisyon at full blast na siya sa production next year.

Mangiyak-ngiyak si direk Julius nang ikuwento sa presscon ng hirap na pinagdaanan nila ni Eric bago maisapelikula ang Deadma Walking. Feeling niya ngayon, blessed na blessed siya dahil sa festival nasali ang directorial debut niya.

Bida sa Deadma Walking sina Jorross Gamboa at Edgar Allan Guzman. May special participation sina Piolo Pascual, Gerald Anderson, Vin Abrenica, Candy Pangilinan, Iza Calzado at Eugene Domingo sa movie.