‘Di umubra sa guard, Liza ‘di pinapasok sa backstage ng MOA!

Enrique malaki ang inggit sa mga hubadero

Kuwento ni Liza Soberano, wala raw talaga sa script na magtatanggal ng jacket si Enrique Gil nang rumampa ito sa Bench Under The Stars fashion show na ginanap last Saturday sa SM Mall of Asia.

“Hindi dapat ‘yun ang part. Gusto niya lang (magtanggal ng jacket). Kasi parang naiinggit daw siya. Lahat, nakahubad, siya takip siya. So, nagtanggal siya ng jacket,” kwento ni Liza sa ASAP Chillout last Sunday.

Kasama ni Quen si Liza sa nasabing fashion show kahit hindi naman rumampa ang young actress. Nasa audience lang siya to show her support siyempre sa ka-loveteam at rumored boyfriend.

Habang rumarampa si Quen ay nahihiya nga raw siyang sumigaw pero siyempre, nagtsi-cheer din naman daw siya kahit mahina ang boses niya.

“Go Quen! Go Quen!” daw ang sabi niya sa mahinang boses.

Off-mic ay tila tinanong ni Maymay Entrata si Liza kung bakit hindi siya rumampa at sinagot ito ng young actress nang naka-microphone.

“Kashieca (another brand of apparel) ako, eh. Pero ano siya, sister company ng Bench,” sey ni Liza.

Pero kahit hindi siya rarampa, pati sa pagda-diet ay sinabayan daw niya si Quen. Maghapon daw hindi kumain ang ka-loveteam at pati siya ay di rin kumain.

“Buong araw, hindi siya kumain dahil syempre, kailangan fit siya para sa fashion show. Ako rin, kasi akala ko, rarampa ako, hindi  rin ako kumain maghapon, hindi, joke lang,” sambit pa ni Liza.

Kaya raw after ng fashion show ay talagang nag-dinner sila.

Pero ang isa pang nakaaaliw ay ang rebelasyon ni Liza na hindi raw siya pinayagan ng guards na pumunta sa backstage.

“Wala raw kasi akong pass. Dapat daw doon ako sa audience entrance um-enter. Pero hindi, tama lang ‘yun. Ginagawa lang nila ang trabaho nila,” she said.

Anyway, natanong din si Liza kung ano ang update sa Darna movie niya at aniya ay hindi pa rin daw sila nagsisimulang mag-shoot at hindi pa rin daw siya nag-fit ng costume.

Sunshine nakipag-bonding sa mga ama’t kapatid nang tumanggap ng award

Lumipad patungong Los Angeles, California si Sunshine Dizon nitong nakaraang linggo para tanggapin ang kanyang Most Outstanding Filipino Actress in Television award mula sa katatapos lamang na Gawad America.

Pinarangalan si Shine ng nasabing award dahil sa tagumpay ng serye niyang Ika-6 na Utos sa GMA-7, gayun din sa napakahusay niyang pagganap bilang Emma.

Very proud ang manager niyang si Perry Lansigan ng PPL Entertainment at nag-post agad ng kanyang pagbati sa alaga.

“Thank you very much for recognizing the brilliance of Sunshine Dizon in the recently concluded GAWAD AMERIKA as the Most Outstanding Filipino Actress in Television.

“To quote,  ‘The success and remarkable performance as a TV actress on GMA-7’s Ika-6 Na Utos has been re­cognized not only by this organization but most of all, by the local community.’ Thank you and i am very proud of you SHINE!” ang IG post ni Perry.

In her own IG account ay nag-post din ang aktres ng kanyang pasasalamat.