Sandy nagpasalamat sa lahat ng sumuporta kay Mariel!

Bago nangyari kahapon ang coronation ng Miss International 2017 sa Tokyo, Japan, naglabas ng mensahe ng pasasalamat si Sandy Andolong tungkol sa anumang puwede na mangyari sa laban ni Mariel, ang anak nila ni Christopher de Leon na official representative ng ating bansa.

“Today just like any other day in our lives, whatever happens, we leave everything into the gracious & the loving hands of our Almighty GOD.

“Our deepest gratitude to everyone who supported & truly cared for our daughter Mariel. Those who never left her side & had a change of heart in spite of all the negative feedbacks she has been receiving from other people. All because you chose to see only the good side of our daughter.

“Your love, prayers & encouragement has made her & the love of our family even stronger. We will forever be grateful. To all her haters & bashers I only speak of blessings from our good & loving GOD for all of you, & that is truly coming from my heart.

“We have such an amazing GOD! Everything that Mariel is doing now is not just for her or for her family but more so for our country, the Philippines, & for the greater glory of GOD.GOD bless our country & our people.”

Ang Miss International na yata ang longest beauty pageant dahil limang oras ito.

Nagsimula ng 3:00 pm ang programa at natapos ng 8:00pm kaya sulit na sulit ang oras ng mga nanood.

Kasama ni Sandy na lumipad sa Tokyo ang kanyang mister na si Christopher at ang kanilang anak na si Mica.

Nagpunta rin sa Japan si Jonas Gaffud, ang mentor ni Mariel para sa moral and spiritual support na kailangan ng kandidata natin.

Miss Universe 2016 na si Iris, hindi umabot ng isang taon ang korona

Hindi magtatagal sa Japan si Jonas dahil may biyahe pa sila ni Pia Wurtzbach sa Taiwan at sa Amerika.

Sasamahan ni Jonas si Pia sa Las Vegas dahil red carpet host ang Miss Universe 2015 sa 66^th Miss Universe na idaraos sa November 26.

Hindi ako sure kung ngayon lang mangyayari na dalawang beses na ginanap ang Miss Universe sa loob ng isang taon dahil noong January 30, 2017 lamang kinoronahan sa Mall of Asia Arena si Iris Mittenaere ng France.

Siyam na buwan lang ang reign ni Mittenaere dahil isasalin na niya ang kanyang korona sa bagong winner sa November 26.

Parang hindi masyadong na-enjoy ni Mittenaere ang kanyang short-lived reign bilang Miss Universe. Hindi kagaya ni Pia na isang taon at isang buwan na namayagpag bilang Miss Universe.

Tonton makakaraket na sa Kapuso

Patapos na ang The Promise of Forever ng ABS-CBN kaya may project na si Tonton Gutierrez sa GMA 7.

Si Ruru Madrid ang lead star sa bagong television show ni Tonton sa Kapuso Network.

Kasama si Tonton sa original cast ng Haplos pero ipinalit sa kanya si Emilio Garcia dahil hindi pa umeere noon ang The Promise of Forever. Mabilis naman ang panahon kaya hindi nainip si Tonton sa paghihintay.