Isabel nakahanda na ang gown sa burol!

Ipinost ng dating aktres na si Bianca Lapus sa kanyang Facebook account ang larawan ng gown na isusuot ng pumanaw na kaibigang si Isabel Granada sa wake nito sa Pilipinas.

Ang nasabing gown ay gawa ng kaibigan niyang designer na si Bea Bianca.

“I’ve been up staring at the design of my friend @beabianca.ph Bea Bianca Mackey drew based on the description i imagined you to wear for the last time..Simple, classy..like a beautiful angel..ikaw na ikaw.

“Dati wala kang reklamo kahit ginagawa kitang human barbie doll kaka fit ng mga dress ko magka size pa tayo nuon eh Small. Kaya nasad ka nung shooting ng Halik ng Sirena kasi Medium na size ko at puro duster ang wardrobe ko Bilang mermaid ang role natin.

“At ngayon XL na ako kelan lng pinapagalitan mo ako gusto mo ako painumin ng healthy juice at mag badminton. Don’t worry i have been trying to get fit for the past 2 months talaga and Large na lang ako ngayon.

“When you arrive, you will wear this Ethereal gown, created with fine French lace and flowy Gaze Faconne fabric, accentuated w/heavy embroidery lace & white Topaz Swarovski crystals you will look just like sleeping beauty,” ang post ni Bianca.

Ipinahayag din ng dating aktres ang kalungkutan niya sa pagpanaw ng kaibigan at inalala ang masasayang araw nila.

“It’s 6am and i have not slept at all as usual even if i try to. In 2 days i will get to see you again, only now i won’t get to hear you laugh especially at my corny jokes..

“You always tell me i am as funny as @vhongx44 and if we did not marry young & separated we would have been the funniest couple ever and if we had at least 5 kids our life as a fa­mily would be like a comedy sitcom, you would always praise vhong for being kind & humble and our son @yceisnotonfire for being such a loving & sweet son.

“Then out of the blue mag vi-video call ka just to say hi kasi di na nga tayo lagi nagkikita unlike before.

“I can’t find our pictures together mula nung naka 3 lipat bahay na ako but im hoping ill get to find it pa din di pa kasi uso ang mga selfie at digicam nuon. Nauuna ka pa nga mag good morning sa beeper ko kesa sa boyfriend ko haha!

“But as the years went by, we would remind each other from time to time that our friendship is real. Walang halong kashowbizan,” saad pa ng post ng ex-wife ni Vhong Navarro.

Ibinahagi rin ni Bianca ang pagpapalitan nila ng text ni Isabel last month.

“I remember sending you a quote last month after you vibed me na pupuntahan mo ako “It’s been said that Everlasting Friends go long periods of time...without speaking and never question the friendship. These friends pick up like they just spoke yesterday regardless of how long it has been or how far away they live. And they don’t hold grudges they understand and they know that Love is there..”

“And then you replied “If we grew apart from each other as long as the relationship is in our hearts , true friends will never part” (kaya wala ka na magagawa nasa heart kita forever) sabay tawanan tayo kasi para tayong Human Hallmark Cards haha!” bahagi pa ng mahabang post ni Bianca.

At sa huli, mensahe niya sa kaibigan, “I will forever treasure the genuine friendship you gave sis, my kumare...Isabel Granada pasensya na sa times na di mo ako mahagilap at pagkukulang ko. i love you.”

Nakatakdang dumating ang labi ni Isa sa bansa  tomorrow, Thursday.

?Kenbie tinilian ang nabiting tukaan

Panay ang hiyawan ng KenBie fans sa mga kilig scenes nina Ken Chan at Barbie Forteza sa pelikulang This Time I’ll Be Sweeter sa ginanap na red carpet premiere night last Monday night sa SM Megamall.

Ang daming cute scenes ng dalawa sa movie lalo na nga ‘yung mga eksenang muntik-muntikanan silang maghalikan sa lips. Sa tuwing poporma kasi si Ken na halikan si Barbie sa lips at laging umiiwas ang huli kaya nagsisigawan talaga sa loob ng sinehan.                  

Medyo bitin nga ang fans nila pero at the same time ay sobrang kinilig pa rin naman sila.

Pati sina Barbie at Ken mismo ay kinilig din sa mga eksena nila.

“Actually, di ba, sinasabi namin na heavy drama siya (ang movie), kinilig pa rin naman ako, in fairness! Ang dami rin talaga naming mga kilig scenes ni Ken,” sey ni Barbie nang makatsikahan namin after the screening.

Ano ang masasabi niya na maraming nabitin sa kissing scene?

“Diyos ko, sa lahat na nga (ng parte) ng mukha ko, hinalikan ako ni Ken, kulang pa ba ‘yun?” sambit ni Barbie.

Bakit wala sa lips?

“Ay hindi pa talaga ‘yung pwede,” sey ng young actress.

Hindi pa raw niya alam kung kelan siya ready na pahalikan na ang kanyang matamis na labi and if ever naman na ready na siya, depende pa rin daw sa materyal.

Mula sa direksyon ni Joel Lamangan, showing na ang TTIBS ngayong Nov. 8, Wednesday under Regal Multimedia, Inc.