AlDub isasabong sa kuwento ng depression!
Dalawang important segments ang magaganap ngayon sa Eat Bulaga. In celebration of the second anniversary of Tamang Panahon nina Alden Richards at Maine Mendoza, mapapanood ang first telemovie ng EB na Love Is... nina Alden at Maine na tatalakay sa napapanahong topic ngayon, ang clinical depression.
Based sa mga eksena sa trailer ng Love Is..., magnobyo sina Vivienne (Maine) at Marco (Alden), pero may mga pagsubok sa kanilang relasyon. Sabi nga, makikita ang rollercoaster of emotions sa kanilang dalawa sa mga eksena. Gumaganap na parents ni Vivienne ang mag-asawang Nonie at Shamaine Buencamino. After nga ng taping, nag-post ang mag-asawa sa Instagram nila na kasama sa picture sina Alden at Maine. “Just finished taping for Eat Bulaga special drama that touches on mental illness, specifically clinical depression. Hope you can find time to watch it.”
Naka-relate ang mag-asawa sa story dahil kung matatandaan, kinitil ng teenage daughter nila ang sarili nitong buhay dahil sa depresyon. Makakasama rin nina Alden at Maine ang real couples na sina Marco Alcaraz at Precious Lara Quigaman at ang newly engaged couple na sina Rodjun Cruz at Diane Medina, with Bing Pimentel and Prince Stefan. Sa direksyon ito ni Adolf Alix, Jr.
Ipi-feature rin sa EB ang tunay na kasalan ng magnobyong sina Lolieta Avelina (61-year-old teacher na na-sugod-bahay ng show) at ang nobyong si Ernesto “Ernie” Montaniel. Thirty-nine years na silang may relasyon pero hindi nakapagpakasal dahil sa pagtutol ng kani-kanilang parents. Parehong ulila nang lubos, ang EB ang gumawa ng paraan para matupad na nila ang kasal na minimithi.
Ang mga ikakasal na ang naghanda at naglakad ng kanilang papers, sagot lahat iyon ng show at ngayong araw nga ay magaganap ang church wedding at ang reception ay magaganap sa 38 Valencia Events Place ni Mo ther Lily Monteverde na mapapanood nang live sa show.
Helen malungkot sa pinagdaraanan ni Sharon
Medyo malungkot si Helen Gamboa nang kumustahin sa kanya ang paborito niyang pamangkin na itinuturing nila ni Senator Tito Sotto na panganay nilang anak, si Megastar Sharon Cuneta. Inamin niyang matagal na silang hindi nagkikita ni Sharon pero ang may communication daw sa kanya ang mga anakdahil close silang magpipinsan. Alam daw niya na kung noon ay may pinagdadaanan ang pamangkin, natapos na iyon at naka-move on na lalo noong kamamatay lamang ng kanyang kapatid na si Elaine Cuneta.
Sa ngayon, ini-enjoy ni Helen ang taping niya ng Super Ma’am bilang lola ni Marian Rivera. Masaya raw sila sa set lalo na kung kasama nila sa taping ang mga bagets na cast ng serye na idinidirek ni LA Madredejos at napapanood gabi-gabi after 24 Oras.
- Latest
