Dennis at Jennylyn ayaw makiuso sa kasalan
Si Dennis Trillo ang napisil ng GMA 7 para maging leading man nina Rhian Ramos, Max Collins, and Lovi Poe sa upcoming primetime series ng Kapuso Network na The One That Got Away.
Matagal-tagal ding hinintay kung sino ang actor na makakasama ng tatlong sexy actress na kahapon nga ay ipinakilala na.
For a change, hindi magdadrama si Dennis sa nasabing palabas, dahil rom-com ang concept ng palabas na may halong kaseksihan.
Huling napanood si Dennis sa Mulawin vs. Ravena na kamakailan lang namaalam sa ere.
Siya si Liam na naging ex nina Rhian, Max, and Lovi sa naturang palabas. Isang smart and handsome entrepreneur na galing sa mayamang pamilya at nakatira sa ancestral home kasama ang kanyang nanny. He likes all things na vintage bukod pa sa pagiging animal-lover. At gusto niyang ang babaeng malakas ang sense of humor na common trait ng kanyang exes na sina Zoe, Darcy, and Alex.
Si Maryo J. delos Reyes ang magdi-direk.
Anyway, ayaw makiuso ni Dennis at girlfriend niyang si Jennylyn Mercado sa kasalan at proposal nagaganap sa showbiz sa kasalukuyan. Nagulat pa nga siya nang may magtanong sa kanyang kung pakakasal na nga sila ng aktres.
- Latest