Empoy mamahalin na ang mga isinusuot

Masuwerte talaga si Empoy Marquez na sunud-sunod ang movie mula nang mag-hit ang Kita Kita ng Spring Films.

Malapit na rin mag-showing sa October 25 ang The Barker mula sa Viva Films kung saan kapareha niya si Shy Carlos.

Samantala, ngayon pa lang ay kumakalat na ang pictures nila ni Zanjoe Marudo na nagsu-shooting ng Kusina Kings na iri-relase naman ng Star Cinema.

Dahil dumami na ang pelikula at commercial ng komedyante siyempre lumaki na rin ang kanyang pangkabuhayan showcase sa sunud-sunod na trabaho nito sa iba’t ibang film outfit.

Pambubuking pa ni Zanjoe sa kanilang interview, bigtime na raw si Empoy at nagsusuot na ng mamahaling gamit.

Happy si Zanjoe sa mga achievement ni Empoy lalo na ngayon na may movie silang magkasama. Thankful naman si Empoy na mas solid na ngayon ang suporta ng fans sa kanya.