Angelica binubuo ang sarili sa Bhutan

Nagkakaisa ang hula ng malisyosong followers ni Angelica Panganiban na ang pinatatamaan nito sa Instagram post ng aktres na “get shit done!” at mga hashtag na #wagkangnepal” ay si Ellen Adarna.

Sa mahigit na tatlong million na followers ni Angelica sa IG, makikita sa comment section ng kanyang post na pinagkakaisahan nila si Ellen at tinawag na ibon na mababa ang lipad. Kumbinsido ang fans na dinagit lang ni Ellen ang ex ni Angelica na si John Lloyd Cruz.

Umaasa pa rin kasi ang iba na magkakabalikan pa sina Angelica at John Lloyd kahit common knowledge na ang bagong apple of the eye ng aktor ay ang sexy actress na si Ellen.

Samantala, naglalamyerda nagayon si Angelica sa Bhutan kasama ang kanyang amigah na si Glaiza de Castro. Mapapansin sa mga post ng aktres na malalim ang kanyang hugot.

Ayon kay Angelica, isa ang Bhutan sa pinakamagandang lugar na kanyang napuntahan. “Ikaw ang pinakamagandang lugar na napuntahan ko. Unti unti mo kong binabago. Dahan dahan mo kong binubuo. Tunay ka ngang regalo ng Panginoon. #MapapamuraKaNaLangTalaga”