Janella at Elmo umaasa sa MMFF!

Okay lang kay Janella Salvador kung hindi man sila natuloy ni Elmo Magalona to be part of the cast of The Good Son (formerly Kung Kailangan Mo Ako) ng Dreamscape Entertainment ng ABS-CBN, at sey niya, siguro raw ay hindi talaga para sa kanila ang nasabing serye.

“Actually, ang nangyari du’n sa soap na ‘yun was hindi lang talaga nagtugma ‘yung. . .I think the show wasn’t really for us talaga to do.

“And hindi naman sa tinanggal kami, hindi naman sa tinanggihan namin, it’s just that nag-agree kami ng Dreamscape na. . .kasi iniba rin talaga ‘yung story, eh, so hindi na talaga tutugma ‘yung characters naming dalawa,” paliwanag ni Janella.

Ang The Good Son ay pinagbibidahan na ngayon nina Joshua Garcia, Nash Aguas, McCoy de Leon, Loisa Andallo, Elisse Joson & Alexa Ilacad at malapit nang umere sa Kapamilya network.

As for ElNella loveteam, hopefully ay may bago raw nilulutong project sa kanila for TV.

“In the works pa lang, meeting-meeting pa lang, pero hindi pa kami nag-start.”

Sa pelikula busy ngayon ang ElNella dahil tinatapos nila ang My Fairy Tale Love Story under Regal Films intended for Metro Manila Film Festival in December.

First time gumanap ni Janella ng isang sirena at enjoy na enjoy daw siya sa kanyang role.

“Super-fun, ang dami kong na-learn because of this role, like I had to go trough diving lessons and nag-mermaid lessons talaga ako.

“Tapos, sobrang nag-enjoy talaga ako, happy set siya sa shoot so, hopefully talaga, makapasok siya sa Metro Manila Film Festival,” sey niya.

Gustong-gusto raw niya ang mermaid costume niya lalo na ang kanyang buntot.

“I love the tail. Nae-enjoy ko talaga siya i-ganun sa water,” natatawa niyang sabi.

Maris mabilis umoo sa pagluhod ni Inigo

Kaaliw ang proposal ni Inigo Pascual kay Mariz Racal to be his date sa Star Magic Ball sa darating na Sept.30.

Sa ASAP last Sunday ginawa ni Inigo sa isang scripted skit with Jolina Magda­ngal and we just don’t know kung alam ito ni Mariz.

Kunwari ay genie si Jolens na nagga-grant ng wish at ang wish ni Inigo, sana raw maging date niya si Mariz sa Star Magic Ball.

Sey ni Jolens ay hindi siya ang makakapag-grant ng wish na ‘yun at mas mabuting diretso nang tanungin ng young actor si Mariz.

Biglang may hinugot na rose si Inigo sa loob ng kanyang polo sabay-luhod sa young actress. Sey ni Jolens, “wala sa script yan, ha?”

Actually ay parang medyo nagulat nga si Mariz sa paandar na rose ni Inigo.

Nang nakaluhod na ang young actor ay tinanong niya si Mariz if she could be his date at sagot naman ni Mariz, “bakit naman hindi?”

‘Yun na!

Ruffa kina Annabelle at Richard nangungutang pag kinakapos

Okay lang kay Ruffa Gutierrez kung hindi na sinusustentuhan ni Ylmaz Bektas ang mga anak nilang sina Lorin and Venice at ayaw na rin daw niyang mag-demand pa.

“Everytime that we end up talking, it doesn’t end up in a good conversation, so might as well, huwag na lang, di ba? Ayoko nang ma-stress sa buhay ko. Tutal, okay naman ako. So, sana, kung hindi ako okay or walang papasok na projects, walang papasok na trabaho, I will be stressed.

“But I’m very also thankful that I have a strong family. So, bago ako mangutang sa kanya, mangungutang muna ako kay Mommy saka kay Chard (her younger     brother, Richard Gutierrez).

Matatalino naman daw ang mga anak niya at alam na alam naman daw nito ang sitwasyon nila.

“They’re very smart girls. You know, ganyan talaga ang buhay. Everything is not a fairy tale, and even if you want life to be perfect, it’s not. So, we live in imperfect world and what’s great about my kids is they’re mature enough to know that we’re on our own. For now.”

As for her love life, okay na okay pa rin naman daw ang relasyon nila ng kanyang French-Israeli boyfriend Jordan Mouyal. Four years na sila pero as of now, wala pa raw talaga silang balak pakasal.