Pang-Masa ( Leaderboard Top ), pagematch: 1, sectionmatch: 1

John Lloyd at Ellen hindi na mapaghiwalay, ipinagmamalaki na ang relasyon!

MANILA, Philippines — Tila sa pag-ibig nakatutok ang atensyon ngayon ni John Lloyd Cruz. At ito ay sa co-star niya sa sitcom na Home Sweetie Home na si Ellen Adarna.

Marami ang nagkokomento na malamang ay mas na-in love si John Lloyd kay Ellen matapos siyang dalhin ng sexy actress sa home town nito, sa Cebu. Hindi rin natapos sa Cebu ang pagiging sweet nila dahil hanggang sa makarating sila sa Metro Manila ay walang nabago.

Kagabi ay nag-post si John Lloyd sa kanyang Instagram (IG) account ng picture ni Ellen. Sa IG stories naman ni Ellen ay binidyuhan niya si John Lloyd sa Shangri-La. Tiyak na maraming naiinggit kay Ellen lalo na mga kababaihan at beki, nasungkit daw niya ang matamis na “oo” ng actor.

Sharon kailangan ng sikat na leading man

Nagtataka ang Sharonians kung bakit hindi kumita sa takilya ang pagbabalik-pelikula ng kanilang idolo na si Megastar Sharon Cuneta sa pelikulang Ang Pamilyang Hindi Lumuluha.

May mga komento na paano ito kikita sa takilya, negang-nega ang bumanderang promo, naroong super depressed si Mega na laging nalulungkot at may alak pang nababanggit.

Isang dahilan din ang title ng movie na walang kadating-dating. Hindi bagay kay Mega ang ganitong uri ng promo, sa tagal niyang walang movie naghihiwa pa ng sibuyas ang nasa lay out ng pelikula, dapat naging masaya at positibong promo ang ipinalabas na pelikula.

Pang-Masa ( Article MRec ), pagematch: 1, sectionmatch: 1

Ngayon ay napabalitang may gagawin na naman siya at isang malaking pelikula daw ito. Pakiusap ng mga faney, sana raw ay may sikat na actor siyang makapareha na napapanahon ngayon, halimbawa sina Alden Richards o Ian Veneracion.

Malaking artista na si Shawie pero kailangan niyang umagapay sa isang artista. Hindi na rin uso ngayon ang mga balik-tambalang pinipilahan noon dahil baka antukin lang sa sinehan ang mga taga-punit ng ticket.

Personal…

Congrats sa September born stars na sina Azenith Briones, Martin Nievera, Ariel Rivera, Melanie Marquez, Paolo Bediones,  Sexbomb Girls Sunshine Garcia at Mia Pangyarihan,  Amy Perez, Marian Domingo (GMA PRO), Rachelle Ann Go, at Gemma Cruz Araneta.

Maligayang kaarawan sa inyo!

Pang-Masa ( Article MRec ), pagematch: 1, sectionmatch: 1
  • Follow Us: