Kapamilya stars aktibo sa sports

MANILA, Philippines - Nagpakitang-gilas kamakailan lang sa palakasan ang Kapamilya stars sa pangunguna nina Gerald Anderson, Daniel Padilla, Kim Chiu at Jake Cuenca.

Sina Gerald at Daniel ang nagsilbing kapitan sa ginanap na Star Magic All-Star game, kung saan nanalo ang koponan ng bida ng Ikaw Lang Ang Iibigin sa score na, 93-90.

Samantala, sumalang din sa Ironnman 70.3 triathlon competition sina Kim, Jake, at Gerald – na gumaganap bilang mga triathlete sa kanilang patok na pang-umagang teleserye – at nakasamang lumangoy, mag-bisikleta, at tumakbo ang mga world-class athlete tulad ng kampeon na si Tim Reed.

Panoorin ang kanilang pagpapakita ng pusong palaban sa Sports U, kasama si Dyan Castillejo ngayong Huwebes, 9:30pm sa DZMM TeleRadyo at pagkatapos ng Bandila sa ABS-CBN at ABS-CBN HD. Napapanood din ang Sports U tuwing Linggo ng 6:30am sa S+A.