Antoinette single pa rin

Kahit pala, Salve A., ‘di na gaanong aktibo sa showbiz ang dating teenage actress-singer na si Antoinette Taus, hindi nangangahulugan itong hindi na siya busy.

Well, matuturing na busy as a bee pa rin si Antoinette, since she owns pala a progressive restaurant in Angeles, Pampanga, na ang specialty-would you believe, ay iba’t ibang klase ng lutuing manok.

Sinisigurado ni Antoinette na hindi affected ng Bird Flu virus ang mga lutuing chicken na isini-serve nila. Na obviously siyang dahilan kung bakit binabalik-balikan ang kanyang restaurant.

On August 30, Antoinette will turn 36 exactly. At single pa rin siya.

In her younger years bilang GMA 7 talent, si Antoinette ang love of his life ni Dingdong Dantes, na bata pa at struggling dancer pa lamang.

Now, of course, we all know  that Dingdong is not just a most in demand actor but happily married sa Kapuso talent din na si Marian Rivera, kung saan mayroon siyang isang anak.

Direk Antoinette ayaw pang pakasalan ni Direk Dan

Speaking of another Antoinette na si Direk Antoinette Jadaone na kilala rin bilang hugot blockbuster director, nang matanong siya kung sino ang mas magaling sa kanila ng boyfriend na si Dan Villegas, sagot niya: “Well, no doubt, si Direk Dan.”

She cited na top cinematographer muna si Direk Dan bago ito nag-venture into directing for films and television. Bukod daw sa ‘aral’ ito sa isa sa pinakamagaling na babaeng direktor of her time, si Direk Cathy Garcia-Molina.

Both equally busy, hindi masagot ni Direk Antoinette ang sumunod naming tanong kung kailan sila magpapakasal.

Aside from the soon to be released co-starrer nina Julia Baretto at Joshua Garcia, Love You To The Stars and Back, Direk Antoinette has been tapped by Dreamscape Entertainment  head, Deo Edrinal, to direct a new series, starring Piolo Pascual and Empoy Marquez.

May pelikula naman si Direk Dan para sa 2017 Metro Manila Films Festival na pagsasamahan nina Derek Ramsay at Jennylyn Mercado.

Joshua lagi pa ring nahihiya kay Julia

Bagama’t ang Love You To The Stars And Back na ang kanilang second movie together, dahil nagkasama na sila sa 2016 MMFF entry na Vince & Kath & James, ayon kay Joshua Garcia at Julia Baretto, mas naging malapit sila ngayon.

Pero sa tanong during the presscon ng kanilang pelikula kung nanliligaw na ba kay Julia si Joshua na aminadong may crush sa una, aniya ay mag-iipon pa raw siya ng lakas ng loob, bago ito ligawan.

Ayon sa dalawa ay never pa silang naging seriously in love with anyone in the past. Although, noong nasa loob pa si Joshua sa Pinoy Big Brother house, naging very close rin siya kay Loisa Andalio, and vice versa.

Na-link naman si Julia kay Inigo Pascual nang may pagtambalan silang project.

In any case, Julia’s Mom, Marjorie Barretto, na present sa presscon ng Love You…, when asked how she finds Joshua, nakangiting sagot niya, mabait na bata si Joshua.

“In the short time na nakilala ko siya, napansin kong magalang siya, bagama’t mahiyain.”

Ayon naman kay Joshua ay na-meet na ni Julia ang ibang members ng kanyang pamilya. Pero, di pa raw niya ito naiimbitahan sa kanilang bayan sa Tanauan, Batangas.

“One of these days, I will,” pangako ni Joshua habang nakatingin kay Julia.

Julia is still busy with her series, A Love To Last, kung saan kapareha niya si Ronnie Alonte. Co-stars niya sina Bea Alonzo, Ian Veneracion at Iza Calzado.

Joshua will soon start taping for a new series, The Good Son, where she is expected to pit talents with veteran performer Albert Martinez, Eula Valdez, Mylene Dizon, Nash Aguas at Jerome Ponce.