Anne sugatan sa ginagawang pelikula

Sumaludo ang director na si Erik Matti sa professionalism ni Anne Curtis sa isang matinding eksena na kinunan para sa movie niyang Buy Bust.

Sa nakaraang post ni Anne sa Instagram, inilabas niya ang hitsura niya nang kunan ang isang epic na eksena ng movie.

“Bruises, Bloods and Scars – all for one shoot for one EPIC scene. Long nights in rain, running, slipping, punching and getting punched, jumping from rooftop to rooftop, failing but then finally getting the shot…This scene is one for the books!” caption ni Anne.

Sa regram naman ni Anne sa pinost ni Matti, “Bloodied and wounded and chased by the mob thru alleys and roofs, @annecurtissmith nails this complicated scene in 1 shot, 2 days, 4 ronin operators, over 60 crowd and stunt guys and 37 long takes, with wet and slippery rain to top it. It had to be on record that we got it. Without everyone’s stamina and Anne’s marathon experience, this would have failed big time!”

Sa October ang alam na­ming showing ng Buy Bust dahil ayaw nang isumite ito ni Direk Erik sa MMFF.

JC at BELA bumibida sa PPP

Nagbubunyi ang puso ni Liza Diño-Seguerra ng Film Development Council of the Philippines (FDCP) dahil sa tagumpay ng Pista ng Pelikulang Pilipino (PPP) na nagbukas nu’ng Miyerkules, Agosto 16. Sinuportahan kasi ito ng manonood at pawang magaganda ang reviews ang 12 kalahok.

Pinasalamatan ni Diño ang jury members ng PPP na pumili ng mga entry. “They define what PPP is all about,” saad ni Liza sa kanyang Facebook account.

Sina Joey Javier Reyes, Erik Matti, Manet Dayrit, Lee Briones, Oggs Cruz, Iza Calzado at Ricky Lee ang bumubuo ng jury.

Base sa reports, nangunguna sa takilya ang 100 Tula Para Kay Stella na pinagbibidahan nina JC Santos at Bela Padilla.

Neil Arce tameme pag tungkol  kay Angel

Ibinuking ni Bb. Joyce Bernal si Neil Arce ng N2 Productions na may gagawin silang movie para kay Angel Locsin.

Present sina Joyce at Neil sa presscon ng prinodyus na Fan Girl/Fan Boy para sa Viva Films na pinagbibidahan nina Julian Trono at Ella Cruz. Pinaliwanag ni Arce na matagal na ‘yung script sa kanila pero nang gawin nila ‘yon, umakma kina Julian at Ella.

‘Yun nga lang, kahit present si Neil sa presscon, bigo ang press na makakuha ng statement sa kanya tungkol sa relasyon nila ni Angel, huh! Sa pictures nilang dalawa na naglabasan sa social media, hindi maipagkakailang nagkakamabutihan na sina Neil at Angel, huh!