Dingdong pang-high school ang birthday gift kay Marian

Dahil busy na naman ngayon ang mag-asawang Dingdong Dantes at Marian Rivera sa kani-kanilang sa­riling show, ang pagkakaroon ng another baby ay wala pa sa kalendaryo this year.

Si Dingdong ay may Alyas Robin Hood Season 2 na magsisimula nang umere sa Aug. 14 at si Marian naman ay mayroong The Good Teacher na malapit na ring umere.

Ayon kay Dong, gagayahin na lang daw niya ang hashtag ng newly weds na sina Rochelle Pa­ngilinan at Arthur Solinap na “in God’s perfect time” bilang sagot kung kailan ba nila kakaririn ang pagkakaroon ng kasunod ng panganay nilang si Zia.

Samantala, ngayong araw na ito (Aug. 12) ay birthday ni Marian, may plano ba siya for her?

“Ah, basta magkasama lang kami,” he said.

Wala na ba silang planong lumabas ng bansa?

“Wala, hindi na pwede, eh, eere na kami, hindi na pwede lumabas,” natatawa niyang sabi.

‘Yung recent trip nila sa Siargao aniya ay combined birthday cele­bration na nilang dalawa. Ano ang gift ni Marian sa kanya nitong birthday niya?

“’Yung kanyang presence,” say ni Dong at natawa rin siya sa kanyang sagot, “pang-high school,” sambit niya.

Coco takot maging presidente

Aminado si Coco Martin na tinanggihan niya ang offer ni Rez Cortez na maging Presidente ng Actors Guild or Kapisanan ng mga Artista ng Pelikulang Pilipino at Telebisyon (KAPPT) dahil aniya, pakiramdam niya ay napakabata pa niya para humawak ng ganitong responsibilidad

“Nilapitan ako ni Tito Rez,” kuwento ni Coco, “gusto niya akong patakbuhin bilang Presidente ng Actors Guild kaso nga po, sabi ko, ‘napakabata ko pa po, baka hindi ko magampanan’, sabi ko, ‘ayoko naman pong masira ‘yung pangalan ko, masira sa mga kasamahan kong artista’, sabi ko, ‘kung ano na lang po ‘yung makakayanan kong maitulong”. And then, sa pamamagitan po ng FPJ’s Ang Probin­syano, ito po ‘yung nagiging daan ko para maka­tulong sa industriya natin.”

Para kay Coco, hindi naman kailangan ng posisyon para maka­tulong sa industriya natin. Tulad nga sa FPJAP, napakarami nang artistang nabigyan ng trabaho ng serye sa loob ng dalawang taon nitong pagsasaere.

Ayon kay Coco, bata pa raw siya ay pangarap na raw niyang ma­k^­a­trabaho ang mga malalaking pangalan sa industriya na noong araw ay pinapanood lang niya.

“Noong bata ako talaga, tagahanga ako ng mga taga-pelikula. Siyempre, ‘yung mga hinahangaan mo, pangarap mo ‘yung maka­trabaho balang-araw.

“And then, ‘yun ‘yung naging ano sa akin, na talagang ‘yung mga taong hinahangaan ko noong bata ako na napapanood ko, parang pinapangarap ko rin na makatrabaho sila at ngayon, nabigyan ako ng opportunity dahil nga part ako ng creative (ng FPJAP), nakakapag-suggest po ako. And then, ‘yung sina-suggest ko naman, naaaprubahan naman po ng buong management,” pahayag ni Coco.

At hindi lang naman ang mga beteranong artista ang natutulungan ni Coco sa FPJAP kung hindi pati ang mga baguhang artista. Napakarami nang nabigyan ng break ng show na karamihan nga ay may mga pangalan na ngayon.

Ayon kay Coco, ang pagbibigay niya ng break sa mga baguhang artista ay parang pagbabalik lamang din sa oportunidad din naman na ibinigay sa kanya noon.