Pang-Masa ( Leaderboard Top ), pagematch: 1, sectionmatch: 1

Marian may karapatang magselos

Marian Rivera

May taping si Marian Rivera kaya hindi siya nakadalo sa Christian wedding nina Arthur Solinap at Rochelle Pangilinan sa Tagaytay City noong August 8.

Pilit na iniintriga ang no-show ni Marian dahil pinsan ni Dingdong si Arthur kaya pansin na pansin ang hindi niya pag-apir sa naganap na kasalan.

Siyanga pala buhay na naman ang issue ng selosa o selosan na hindi matigil-tigil. Kalokah naman, isa sa laging issue kay Marian ang pagi­ging selosa nito. So anong masama dun? Ipokrita ang tao na nagsasabi na hindi siya nagseselos lalo pa at mahal niya iyong tao, pero lalong ipokrita iyong isang asawa na hahayaang makita na agawin ang legal property niya. Sige sabihin na sobrang selosa si Marian to the point na nagiging confrontational na raw kung minsan. Pero nalimutan n’yo na ba kung paano ilaban ni Annabelle Rama si Eddie Gutierrez simula’t sapul? ‘Di ba kung minsan iyong mga babaeng pinagse-selosan ni Annabelle pinadadalhan pa niya ng bulaklak ng patay? Kanya-kanyang diskarte iyan sa laban para ipagtanggol mo ang property mo. Ang payo ko lang sa mga ‘shock’ sa mga naririnig nila na ginagawa daw ni Ma­rian dahil sa selos, well ‘ako legal wife, ikaw babae sa dilim forever.’ Iyan dapat dialogue ni Ma­rian. Manigas kayo. Hah hah hah

Jinggoy at Bong walang nagawa sa malakas na lindol

Sinuspinde kahapon ang pasok sa mga opisina at school dahil sa malakas na lindol (6.2 magnitude) na naramdaman sa Metro Manila at sa mga kalapit na probinsya.

Matagal at malakas ang lindol sa Tagaytay City ang balita ni Jun Magdangal, ang tatay ni Jolina Magda­ngal na residente na ng Tagaytay.

Matagal din ang lindol sa BGC at ayon naman ito kay Francine Prie­to na nakatira sa isang condominium building.

Pang-Masa ( Article MRec ), pagematch: 1, sectionmatch: 1

Ramdam na ramdam din ng mga empleyado ng GMA 7 at ABS-CBN ang malakas na lindol dahil mataas ang gusali ng mga nasabing television network.

I’m sure, naramdaman din nina Jinggoy Estrada at Bong Revilla ang paglindol kahapon pero wala naman silang ibang tatakbuhan dahil nakakulong ang dalawa. Mabuti na lang, bungalow type o walang second floor ang kulungan nina Bong at Papa Jinggoy sa PNP Custodial Center.

Mister ni Cristine na si Ali may akting

Natuwa si Cristine Reyes nang i-congratulate siya ng mga nanood ng Double Barrel dahil marunong umarte ang mister niya na si Ali Kha­tibi.

Siyempre, proud wife si Cristine dahil walang formal acting experience si Ali na pumasok sa showbiz nang magpakasal sila.

Martial arts expert si Ali kaya ginulat nito ang kanyang mga kakilala dahil sa acting na ipinakita niya sa Double Barrel. Bida-kontrabida ang karakter ni Ali sa comeback movie ng direktor na si Toto Natividad.

Direk Toto nakabalik na sa action films

Kung happy si Cristine, mas masaya si Toto dahil hindi nito inaasahan ang mga papuri na natatanggap niya bilang direktor ng Double Barrel.

Dati nang magaling na direktor si Toto ng mga action movie at hindi totoo na nawala siya sa eksena.

Nag-lie low si Toto sa paggawa ng action films pero in demand siya bilang direktor ng mga tele­serye ng ABS-CBN.

Si Toto ang isa sa mga direktor ng Ang Pro­binsyano kaya magaganda ang mga action scene at stunts ni Coco Martin sa primetime teleserye ng Kapamilya Network. Hindi talaga nawawalan ng work ang mga mahuhusay na direktor, scriptwriter, at artista.

Pang-Masa ( Article MRec ), pagematch: 1, sectionmatch: 1
  • Follow Us: