Type ka-loveteam Sharon sobra-sobra ang paghanga kay Ian!

Sobra ang paghanga ni Sharon Cuneta kay Ian Veneracion na nakasama niya sa kanyang US concert tour kamakailan. Aminado si Megastar na talagang naging instant fan siya ng aktor. “I’m so touched!” ang sambit ni Shawie sa kanyang interview.

“Sabi ko nga kay Ian, ‘what did I do to deserve this?’, sabi ko kay Ian, kasi, araw-araw nagsu-shoot ‘yung tao, nagti-taping siya. ... alam mo ba ‘yung hirap ng taping ‘di ba? Alam mo naman sa atin, halos wala nang tulog talaga.

“So, ‘yung  fact na nag-taping siya nang nag-taping, hindi niya tinigilan, kasi he really wanted to do it, he really wanted to guest on my shows.

“Kasi siguro, gusto rin niyang ilabas ‘yung side niya ng pagiging musikero. You know when you’re an artist, you have to really have a venue to be able to express lahat ng gusto mong i-express na meron ka, eh.”

Sa kanyang show ay grabe raw ang mga ipinakita ni Ian at talagang sobrang puring-puri ni Sharon ang aktor.

“So, he played the guitar, he sang, he was so game na game, napaka-gracioso sa audience, nag-duet kami. It was so wonderful working with him. Napaka-down-to-earth, walang yabang. To think he’s so successful now.

“Sabi ko nga, ‘Why? Parang  you don’t need me at this point! I mean, of all people, ikaw pa?’ So, diyan mo makikita ‘yung tunay na propesyonal na artistang secure sa sarili. Kasi ang laki niyang artista but he was so generous.

“So, instantly, naging fan ako ni Ian. Tapos, ang sarap kausap, matalino kasi, tapos masaya. So, napakasarap na kasama.

 “Tapos, uwi siya, pagkatapos ng show, uwi siya, taping siya uli. The following weekend, lipad na naman (sa US), balik na naman sa show. Oh my God! Three times ‘yun, ah!” ang mga papuri ni Shawie kay Ian.

Natutuwa rin si Megastar na napakaraming nagsabi na may chemistry sila ni Ian.

“Kahit sa audience, may mga sumisigaw na ‘bagay, bagay! Movie naman, movie kayo!’ ini-report ko agad kina tita Malou (Santos of Star Cinema),” natatawa pang sabi ni Shawie.

Well, may mga lumalabas ngang balita na si Ian ang leading man ni Shawie sa gagawing bagong movie na sisimulan nang i-shoot ngayong Setyembre.

Carmi hindi mapakali pag wala si Kuya Dick

Nagpaalam na ang karakter ni Carmi Martin sa The Better Half bilang Mayora Dyna Soriano dahil dito naman siya sa Wansapanataym Presents: Amazing Ving mapapanood na pagbibidahan ni Awra Briguela.

Kontrabida ang role ni Carmi sa TBH pero dito sa Wansapanataym Presents: Amazing Ving ay dalawang karakter na isang masama at mabuting tao ang kanyang ginagampanan.

Ang mas ikinae-excite niya sa show ay ang pagbabalik ng tandem nila ni Roderick Paulate na nakasama niya noon sa Tonight with Dick & Carmi at Abangan ang Susunod na Kabanata. Siyempre, sila ang mag-asawa rito.

“Nakakatuwa kasi, kung kunyari, gumagawa ako ng show as Carmi Martin, iba ‘yung impact nung Dick & Carmi ‘pag nagsama. Talagang marami ang nagre-react kahit sa social media.

“And siyempre, ‘pag kasama ko si Dick, sobrang relax. Siyempre, nakaka-challenge, alam mo, ang galing-galing niya talaga as an actor, drama or mapa-comedy. So, natsa-challenge rin ako.

    “So, this time, talagang excited ako na kami ang napili for this project and to work with Awra and the rest of the cast,” sey ni Carmi.

Magsisimula na ngayong Sunday, July 23 and Wansapanataym Presents: Amazing Ving.