Pauleen titigil na sa showbiz pagkapanganak

Feeling first time daddy ni Vic Sotto nang ma-interview siya ni Lhar Santiago para sa Eat Bulaga na lumabas sa 24 Oras nu’ng Lunes. Ima­gine nga naman, after ng bunso niyang si Paulina 26 years ago, eh heto’t magiging tatay na naman siya this year courtesy of his wife, Pauleen Luna-Sotto.

“‘Yung ipo-post ni Pauleen dito sa bagong page ng a­ming buhay and of course, she loves sharing it to the people. Heto magandang pagkakataon,” pahayag ni Vic.

Ayon pa kay Bossing, hindi hirap magbuntis si Poleng. “Hindi naman siya ‘yung tipong naghahanap ng kung anu-ano. One thing I noticed lang, meron siyang ayaw na dating gusto niya,” sabi pa niya.

Babae nga ang magiging panganay nila na ang working title raw ng pangalan ng bata ay Jessica Sotto. “Wala pa. Walang pang definite. We’re still working on it. We have some names lined up,” sambit ni Bossing.

Naniniwala naman si Vic na magiging full-pledged mother si Pauleen once lumabas na ang baby nila. “Kumbaga, priorities will change I think. Ang magiging priority is the baby. Second na lang ‘yung career,” rason ni Bossing Vic.

Bukod sa excitement na nadarama ni Vic sa paglabas ng bagong anak, natutuwa rin siya’t balik-film festival siya sa official entry niyang Family Goals kung saan si Dawn Zulueta ang makapareha niya.

Edu at Luis first time magpapagalingan sa The Eddys

Kasadung-kasado na ang The Eddys Entertainment Editors’ Awards na gaganapin ngayong Linggo, Hulyo 9, sa Kia Theater, 7PM.

Star-studded ang magiging programa simula sa hosts dahil magsasama ang mag-amang Edu at Luis Manzano sa stage.

Siyempre pa, pasiklab din ang magiging performers dahil sa opening number ay sina James Reid at Nadine Lustre ang magpapaandar.

Magkakaroon din ng special production number ang loveteam nina Ella Cruz at Julian Trono, at Yassi Pressman at Arjo Atayde.

Ilan naman sa magiging presentors ay sina Lorna Tolentino, Boyet de Leon Sarah Lhabati, Richard Gutierrez, Bela Padilla, Janella Salvador, Elmo Magalona, Christine Reyes, Jodi Santamaria, Erward Barber, Maymay Entrata, JC Santos, Empoy Marquez, Alessandra de Rossi, AJ Muhlach, Phoebe Walker, at iba pa.

Si Nash Torres ang writer habang si Arnel Natividad ang director ng 1^st Eddys mula sa Society of Entertainment Editors of the Philippines, Inc. (SPEED).