Regine balik sa dating bahay!
Balik-Viva si Regine Velasquez. Sa Martes ay pipirma siya ng kontrata.
Pero ayaw pang magbigay ng Viva ng detalye kung anong coverage ng bagong contract sa kanila ni Regine. Pero ang isang definite raw ay may gagawin itong movie sa kanila na matagal na rin nga namang hindi nagagawa ni Regine.
Sa TV na kasi napapanood si Regine at hindi pa gaanong napansin ang natapos niyang programa na Full House Tonight sa GMA 7. Hindi raw ito gaanong nag-rate kaya tatapusin na agad sana pero nakiusap ang songbird na tapusin ang one season.
Anyway, abangan natin kung pati ang pagma-manage ay ipagagawa na rin niya sa Viva.
Baka nga naman magka-pelikula siya sa Star Cinema na nakaka-co prod ng Viva sa ilang mga proyekto.
Kris hindi dati pinapansin ang mga luma na
Dati nga naman ipinamimigay lang ni Kris Aquino ang mga inaayawan niyang mamahaling bag, ngayon namimili siya ng mga vintage ng Chanel bag para kolektahin.
Noon tuwang-tuwa ang mga kaibigan niya dahil nga kung mamigay siya ganun na lang basta pag ayaw na niya, ngayon daw kaya ganun pa rin siya?
Ibinandera ni Kris ang mga pinamiling vintage na Chanel bag sa Japan sa kanyang YouTube channel na oo nga’t uso ngayon ang YouTube show pero iba pa rin siyempre kung sa TV siya napapanood.
- Latest