Janice at Gabby mas sweet ngayon!

MANILA, Philippines - Gustung-gusto namin ang kakulitan na nasaksihan sa set ng Magpakailanman recently kung saan ang bida ay sina Gabby Concepcion at Janice de Belen. Marami sa mga kasamahan namin ang nagsasabing mas sweet sila ngayon kaya naman no wonder na bagay na bagay sa kanila ang roles for this Saturday’s episode.  

Sila ang gaganap sa love story nina Juliet at Ariel. Intriguing, huh? Ano nga kaya ang tunay na takbo ng istorya? ‘Yan ang dapat nating alamin mamaya sa Magpakailanman.

Diana may misyon sa buhay nina Jestoni at Jaclyn

‘From Encantadia to D’ Originals, real quick’ ang peg ngayon ni Diana Zubiri dahil ipinakilala na lately ang kanyang karakter na manggugulo sa buhay nina Lando (Jestoni Alarcon) at Josie (Jaclyn Jose).

Sa episode na napanuod namin, ginagampanan ni Diana si Sabel, ang physical therapist ni Lando. Ang akala nga namin, magiging bagong babae sa buhay ni Lando si Sabel pero mali kami dahil resbak pala siya ni Yvette (Katrina Halili) na kinutsaba upang patuloy na magmanman sa pamilya ni Lando at para makuha na niya totally ang yaman nila! Grabe, sobrang sama mo talaga, Yvette! Pero hindi kaya ma-develop din si Sabel kay Lando at maging isang kabit? Naku, siguradong rambulan na naman ito kung sakali!