Pang-Masa ( Leaderboard Top ), pagematch: 1, sectionmatch: 1

Jackie mabilis pinalitan ng ex!

Noong November 2016 pa naghiwalay si Jackie Rice at ang kanyang non-showbiz boyfriend na limang taon ang tanda sa kanya.

Hindi mawala ang panghihinayang ni Jackie dahil walong taon din daw silang nagkaroon ng relasyon.

“Tama nga sabi nila, walang forever!” tawa pa niya.

“Kasi ginawa mo na ang lahat para sa relationship ninyo. Nagtulungan naman kayo. Pero ang ending, wala rin pala.

“Siguro nga hanggang doon lang inabot ang pagsasama namin.

“Ang nakakagulat, one month pa lang kaming hiwalay, may bagong girlfriend na siya. Samantalang ako, heto wala pa rin at single for eight months.”

Pang-Masa ( Article MRec ), pagematch: 1, sectionmatch: 1

Nabanggit din ni Jackie na hindi sila naging magkaibigan ng ex-bf niya noong maghiwalay sila.

“Wish ko sana ay naging friends kami.

“Gano’n naman sana dapat, ‘di ba?

“Kaso, wala. After namin maghiwalay, hindi na niya ako kinausap.

“Nalaman ko lang na nagseselos pala ang present girlfriend niya sa akin.

“Kaya sige, okey lang na hindi na kami maging friends kung ako ang magiging sanhi ng pag-aaway nila parati,” diin pa ni Jackie.

Noong 2015 pa ang huling malaking teleserye ni Jackie na Buena Familia. Last year ay naging part naman siya ng cast ng Naku, Boss Ko bilang isang starlet na na-link sa isang politician.

Kaya balik sa trabaho si Jackie bilang best friend ni Jennylyn Mercado sa My Love From The Star.

Wala raw munang balak na mag-boyfriend si Jackie at work daw muna siya.

Jennylyn pinanghinayangan si Alden

Alam ni Ultimate Star Jennylyn Mercado na si Alden Richards dapat ang makakatambal niya sa teleserye na My Love From The Star.

Handa na raw si Jen na makatrabaho ang Pambansang Bae, pero bigla niyang nalaman na hindi na puwede si Alden at bagong leading man na ang hinahanap para sa role na Matteo Domingo.

“Si Alden ang alam ko talaga. First time ko pa naman sana siya makatrabaho sa isang teleserye. Kaya excited din ako.

“Nakatrabaho ko na ng dalawang beses si Alden sa Magpakailanman at Wagas. Kaya maganda sana ‘yung magkasama na kami sa teleserye.

“Pero biglang sinabi nila na papalitan si Alden kasi may gagawin silang teleserye ni Maine Mendoza.” sey ni Jen na may pang­hihinayang.

Kung sakaling natuloy si Alden sa My Love From The Star, paano kaya iha-handle ni Jen ang mga fans nito na kilalang very protective sa loveteam nila ni Maine Mendoza?

“Kung natuloy si Alden… ako naman, sanay na ako sa fans, eh. Alam ko na ‘yung iba very protective talaga. May mga fans din akong ganyan,” pahayag pa ni Jennylyn Mercado.

Nambomba sa concert ni Ariana 22 lang

Nakabalik na sa Amerika ang pop singer na si Ariana Grande pagkatapos ng malagim na trahedya na nangyari sa Manchester, England pagkatapos ng kanyang concert.

Marami sa mga nasaktan ay mga bata na fans ni Ariana. Dalawang batang babae ang confirmed na namatay. Isang 8-year old at isang 16-year old.

Sobrang nalungkot si Grande sa pangyayari at sinisisi niya ang kanyang sarili. Pagka-land ng kanyang private plane sa Florida, hindi ito makangiti sa media at dumiretso sa kanyang sasakyan na umiiyak.

As of presstime, dalawa sa European concerts ni Grande ay cancelled na.

Na-identify ang suicide bomber bilang si Salman Abedi, 22 years old at lumaki sa Manchester. Ang kanyang mga magulang ay Libyans.

Natagpuan sa bahay ni Abedi ay computers at isang manual na Know Your Chemicals. Inaresto rin ang nakatatanda nitong kapatid at isa pang kapatid, maging ang ama nila na nasa Libya. Kumpirmado kasing miyembro sila ng ISIS.

Inako ng terrorist group na ISIS ang naganap na bombing incident sa Manchester.

Pang-Masa ( Article MRec ), pagematch: 1, sectionmatch: 1
  • Follow Us: