Mga Bicolano todo tili kina Ken, Jak, Addy, at Ivan

MANILA, Philippines -  Hindi kagulat-gulat ang balitang dinumog ng libu-libong fans ang Penaranda Park sa Legazpi City last Saturday (May 20) para i-welcome ang Meant To Be stars na sina Ken Chan, Jak Roberto, Addy Raj, Ivan Dorschner, at Mika dela Cruz para makisaya sa kanilang Magayon Festival.

Balita pa namin nakakarinding tilian at sinagawan ang tsina-chant ng mga ito kapag nagpapakilig ang mga stars ng GMA Primetime series.

Direk Mark Reyes may sorpresa sa Encantadiks

Hindi namin napigilang maiyak sa tuwa dahil hindi kami binigo ng buong cast at production ng katatapos lang na telefantasya ng GMA na Encantadia. It is no surprise na panalung-panalo ito sa TV ratings dahil sa rami ng Kapuso viewers na tumutok, sumubaybay, at sumuporta sa finale nito. Not only that, naging usap-usapan din ang ending episode nito sa kahit saan mang social media platform.

Marami ang humihiling ng part 2—isang bagay na mukhang binigyang linaw na ng mahusay nitong direktor na si Direk Mark Reyes. Ayon sa kanyang Instagram post, nagpapasalamat siya sa suportang kanilang natanggap mula sa mga manonood. Sinabi rin nitong magkikita kita muli sila sa “next winter”! Nakaka-excite, Direk! Ano’ng sorpresa na naman ang ihahanda mo sa amin?