Grade 6 pupil lasog sa truck
MANILA, Philippines - Isang grade 6 pupil ang nasawi habang nasa malubha namang kalagayan ang dalawang kasama nito matapos silang salpukin ng isang truck habang magkakaangkas sa bisikleta, kahapon ng umaga sa Caloocan City.
Nakilala ang nasawi na si Connery Baldemor, 12. Ginagamot naman sa Philippine Orthopedic Center ang mga kasama nitong sina Joseph Dacoba, 11, grade 5 at Diverson Road, 9, grade 4, pawang residente ng 9th Street, 7th Avenue, Brgy. 103 ng naturang siyudad.
Nasa custody naman ng Caloocan City Police Traffic Bureau ang driver ng Isuzu Elf truck (WPM-292) na si Flordilito Dacoro, 46, ng Valenzuela City na nahaharap sa kasong reckless imprudence resulting to homicide.
Sa isinagawang imbestigasyon ni P02 Chester Alan Racelis, naganap ang insidente alas-10:30 ng umaga sa kahabaan ng 8th Avenue Extension ng naturang siyudad.
Minamaneho ni Dacoro ang isang truck habang nagbibisekleta naman sa naturang lugar ang mga biktima.
Nang tangkain ng mga biktima na mag-overtake hanggang sa sumabit sila sa gilid ng truck.
Hindi na nakontrol ng mga biktima ang preno ng kanilang bisekleta hanggang sa bumagsak ang mga ito sa gilid na bahagi ng truck na naging dahilan upang magulungan si Baldemor habang mabilis namang isinugod sa naturang pagamutan sina Dacoba at Roa.
- Latest