Magsasaka pinabulagta sa inuman

TUGUEGARAO CITY, Cagayan, Philippines – Bulagta ang 28-anyos na magsasaka na nakikipag-inuman matapos itong pagbabarilin ng kanyang kapitbahay sa Barangay Villa Concepcion, Cauayan City sa Isabela kamakalawa. ?Base sa police report na nakarating kay P/Supt. Kevin Bulayungan, hepe ng Cauayan City police, idineklarang patay sa pribadong ospital si Jonathan Jacinto. ?Lumalabas sa imbestigasyon na sinugod ng suspek na si Albert Nisperos, 53, ang bakuran ng biktima saka ito pinagmumura sa harap ng kanyang mga kainuman bago siya niratrat at tumakas. ?Tinitingnan ng mga imbestigador kung may kaugnayan ang pagpatay kay Jacinto sa pamamaslang kay Joseph Manipon noong 2012.