Kris handang ipaglaban si Leni!

Handang idepensa ni Kris Aquino si Vice President Leni Robredo. Sa Instagram post niya, kanyang inilabas ang pic nila ng VP na may kasamang quotation mula sa huli.

“This is not a time for fear; this is a time for conviction. It’s a time for courage.” – VP Leni Robredo.

Heto naman ang caption ni Kris: “I’ve purposely kept quiet about political issues BUT for her I will always be ready to make a stand. #LabanLeni.”

Naging sentro ng usapan si VP Robredo nang magbitiw siya bilang Housing czar sa Gabinete ni President Rody Duterte. Nagkaroon na naman ng labanan sa social media dahil dito.

Pero more than the support ni Kris kay VP Leni, busy rin siya sa kanyang Facebook Live and nu’ng Dec. 5, si Vice Ganda naman ang kinausap at kasamang nanood ng movie ng dating multi media queen.

Albie at Luis nakipaglaplapan kay Paolo!

Friend-zone agad ang mga bading at transgender kina Luis Alandy, Albie Casiño at baguhang sina Christian Bables at stage actor na si Cedrick Juan.

Nasa cast ng festival entry na Die Beautiful ang apat na aktor pero dalawa ang lumabas na bading, sina Christian at Cedrick. Inihayag niya ang kanilang damdaming kapag nakakakita o nakakasama ang mga bading at mujerista at paano kapag nagustuhan sila.

“Wala akong nararamdamang feeling na naasiwa o nandidiri. As long as wala kang natatapakang tao, just go with your life! Meron din naman silang emotions. Pare-pareho naman tayong tao. Kanya-kanyang preference sa buhay. We can be friends! Ha! Ha! Ha!” rason ni Cedrick.

“Masaya silang kasama. Ayos. Barkada lang. Normal. Dyowa? We can be friends! Ha! Ha! Ha!” sagot ni Christian.

Si Albie naranasan nang lumabas na transgender isang episode ng Maalaala Mo Kaya.

“That’s how they are. I don’t know why people look at them in a different way. Friends? Yeah!” saad ni Albie na chicks pa rin daw ang gusto, huh!

“Ako, being in the business for more than twenty years, ang dami ko nang nakatrabaho sa industry. They have my utmost respect. I feel happy and proud for them. Kasi makikita mo mostly, gays and transgenders they are the most expressive and successful sa business natin.

“Masarap silang katrabaho. Sila ang madalas kong kakuwentuhan. They have the best of both worlds. They have my utmost respect and I am happy for them,” katwiran ni Luis.

Ikakasal na si Luis sa February at gagawin ito sa bansa unlike nu’ng pre-nuptial photo session nila sa Lake Tahoe, California.

May balita kasing may kissing scene sina Luis at Albie sa bidang si Paolo Ballesteros. Tikom nga lang ang bibig ng tatlo nang uriratin ang tungkol dito, huh!

Kasama rin sa Die Beautiful ang transgenders na sina Rica at Mimi Juareza.