BFP naka-full alert sa Undas
MANILA, Philippines – Naka-full alert status ang Bureau of Fire Protection (BFP) kaugnay sa pagdiriwang ng araw ng Undas o All Saints’ Day dahil sa posibleng magkaroon ng sunog at iba pang emergencies.
Sinabi ni DILG Secretary Ismael Sueno na kailangang handa ang mga pamatay-sunog sa pagtugon sa anumang emergency na maaring mangyari sa nasabing araw, dahil sa libong Pinoy ang nagsisimula nang magtungo sa mga sementeryo para magbigay respeto sa mga namayapa nilang mahal sa buhay.
Bukod sa pagiging full alert sa araw ng Undas, magsasagawa rin ang BFP ng malawakang panawagan sa publiko para sa aktibong partisipasyon kaugnay sa pag-iingat sa sunog at kampanya para sa ligtas na pagbihaye sa mga kalsada.
Inatasan ni Sueno ang bagong BFP-National Capital Region (NCR) Regional Director Senior Supt. Wilberto Rico Neil Kwan Tui na utusan ang kanyang mga tauhan na magbantay 24/7 lalo na sa mga kabahayan at mga pribadong sementeryo.
- Latest