2 Sayyaf napatay sa engkwentro
MANILA, Philippines – Nasawi ang dalawang miyembro ng Abu Sayyaf Group (ASG) sa naganap na sagupaan sa pagitan ng mga militar sa Indanan, Sulu.
Batay sa ulat, bago nangyari ang bakbakan dakong alas-6:45 ng umaga ay nagsumbong ang mga residente sa lugar ukol sa nakita nilang presensiya ng armadong grupo.
Rumesponde ang elite troops ng 11th Scout Ranger Company at naabutan ang walong armadong kalalakihan na humantong sa putukan, na ikinasawi ng dalawa.
Nasamsam ng mga sundalo ang isang M16 assault rifle na may nakakabit na M203 grenade launcher at isang Improvised Explosive Device (IED).
Naniniwala ang otoridad na nagkahiwalay hiwalay na ang ASG sa maliit na grupo para makaiwas sa mga sundalo at nagtanim ng mga IEDs para maantala ang galaw ng tropa ng pamahalaan.
- Latest