No. 2 pick pabiling tanghaga karon
CEBU, Philippines - Pabiling tanghaga karon kun kinsa nga Gilas Pilipinas player ang makuha isip No. 2 pick ug asa kini padulong atol unya sa special draft sa PBA rookie pick karong Domingo didto sa Robinson’s Place Manila.
Ang Blackwater Elite nga maoy koponan nga gihatagan og kahigayonan nga mokuha sa No.1 pick sa special ug regular draft una nang mibutyag nga si Gilas cadet center Arnond Van Opstal ilang kuhaon.
Mibutho ang pangutana kun kinsa ang No. 2 pick sa special Gilas cadet draft. Migawas ang mga pangan nila ni Kevin Ferrer, Jio Jalalon, Ed Daquiaog ug Chris Tolomia sa mga posibleng makuha isip second pick.
Ugmang adlawa gitakda nga ianunsiyo sa PBA ang lista sa mga koponan nga mamili sa 12 ka mga Gilas cadet players sa special draft.
Di sama sa special draft, ang regular draft order gipahibalo na diin ang Blackwater gihapon ang mokuha sa first pick gikan sa lista sa mga players nga gilangkuban sa mga amateur standout ug NBA D-League players.
Human sa Blackwater, ang Phoenix Fuel Masters mokuha sa No. 2, ang Barangay Ginebra sa No. 3 pick.
Mokumpleto sa top 10 picks sa regular draft mao ang Mahindra Enforcer, Star Hotshots, San Miguel Beer, Meralco Bolts, NLEX Road Warriors, Rain or Shine, Ginebra, Alaska Aces ug Phoenix.
- Latest
