Zoren at Angel sinisikreto ang ginawa sa JaDine

Salve A., wish ko, ‘di mo na-miss ‘yung opening episode kagabi ng bagong series ng Dreamscape Entertainment Television, headed by ABS-CBN Business Unit head, Deo Endrinal na Till I Met You, starring the JaDine team nina James Reid at Nadine Lustre, plus theater actor JC Santos, who is billed as ‘introducing.’

We were lucky, Salve A., that last Sunday we were invited to watch several of the upcoming episodes of the soap. Na kahit papaano, ay magkakaroon ka na ng ideya kung paano tatakbo ang istorya.

Naka-focus kina James, Nadine at JC ang kuwento, at papasok din paminsan-minsan sa mga eksena ang mga character na ginagampanan nina Carmina Villaroel, Pokwang, Zoren Legazpi at Robert Seña. Ganundin sina Richard Yap at Noel Trinidad, who both play special roles. Kasama rin si Angel Aquino.

Si Carmina ang gaganap na ina ni Nadine. Single siya dahil iniwan si Carmina ng ama ni Nadine na gagampanan ni Jay Manalo.

Sina Pokwang at Robert naman ang parents ni JC.

Secret muna kung anong mga role nina Zoren at Angel. Ganundin nina Richard at Noel.

Directed by Antoinette Jadaone at Andoy Ranay ang seryeng sa Greece kinunan.

Special participation sa pagdidirek si Dan Villegas, na boyfriend ni Direk Antoinette.

Si Direk Antoinette ang nagdirek ng On The Wings of Love (OTWOL) ng JaDine which was a runaway winner, as far as the rating game is concerned.

Ang Till I Met You ang papalit sa nabakanteng slot ng Dolce Amore na nagtapos noong Biyernes.

Lee O’Brien todo-support kay Pokwang

In town pa pala ang American boyfriend ni Pokwang na si Lee O’Brien.

Kasama siya nito sa preview ng ilang episode ng Till I Met You noong Sunday.

Umapir naman sa ilang episode ng FPJ: Ang Probinsyano si Lee.

In the same episode, featured din si Vice Ganda. At maraming eksena silang magkasama.

Gabby botong-boto sa dyowa ni KC na si Aly

Obvious na botong-boto, Salve A., si Gabby Concepcion sa boyfriend ni KC Concepcion na si Aly Borromeo, fellow AZKALS player ng magkapatid na sina Phil and James Younghusband.

Aba, he describes Aly na mabait, well-mannered, educated and kindhearted. Nagkaroon na ng pagkakataong magkita ang dalawa.

Although, inaamin nina KC at Aly, na getting closer as can be sila, hindi pa raw nila napag-uusapan ang kasal. Kahit na parehong nasa marrying age na sila.

Mukhang boto rin si Sharon Cuneta kay Aly at ganundin si Senator Kiko Pangilinan na stepdad ni KC.

Two popular actors formerly na-linked kay KC were Piolo Pascual and Paulo Avelino.

Sandara bitbit ang buong Korean team sa Pilipinas

Did we hear it right, Salve A., na makakasama ng K-Pop Star na si Sandara Park ang kanyang entire management team from Korea rito sa ating bansa, habang nagti-taping siya ng segments of her new prog­ram for ABS-CBN, Pinoy Boyband Superstar?

Judge kasi siya ng nasabing show kasama sina Vice Ganda, Yeng Constantino at Aga Muhlach.

Hindi pa alam kung hanggang kailan mamamalagi sa Pilipinas si Sandara, since its common know­ledge na permanent South Korea resident na siya.