Daniel at Kathryn gusto lang magpasaya ng fans
Inuunahan na agad nina Daniel Padilla at Kathryn Bernardo na ayaw nilang masyadong mag-expect sa kanilang bagong movie na Barcelona: A Love Untold na isang romantic-drama sa direksyon ni Direk Olivia Lamasan na release ng Star Cinema.
Pero confident ang dalawa sa kanilang mga interview na ang habol nila ay mas mapasaya ang kanilang fans sa magandang material ng kanilang pelikula. Sigurado raw makaka-relate ang mga manonood sa movie na umiikot ang kuwento sa magulang at anak. Aminado rin si Daniel na nag-level up ang kanilang kuwento na higit pa sa kilig dahil mas pampamilya ang kanilang pelikula na promise nito na magugustuhan ng viewers.
Ayaw magpadala sa pressure ng KathNiel loveteam dahil buo ang tiwala ng dalawa sa mahusay na pagdidirek ni Inang Olive Lamasan.
Nagpapasalamat naman si Daniel kay Direk Olive dahil napaka-dedicated at perfectionist nitong katrabaho kaya mas lalong ginanahan at inspired ang aktor habang ginagawa nila ang movie na halos 90% ay kinunan sa Barcelona, Spain.
- Latest