James ayaw kunan nang nakahubad si Nadine!

Nadagdagan na naman ang product endorsement ni James Reid. This time, ang hilig niya sa photography ang naging dahilan upang kunin siyang ambassador ng Fuji Films Philippines.

Eh, winner din ang kaguwapuhan ni James upang maging subject ng photo exhibit. Kaya naman gamit ng Fuji camera, idinisplay sa lobby ng 5th floor ng Luxent Hotel ang iba’t ibang mukha ng young actor na hindi nakakasawang tingnan.

Bukod sa announcement nilang newest brand endorser ng produkto, inanunsyo rin sa press launch ang bagong produkto mula sa Fuji Film gaya ng instax at mirrorless cameras na ieendorso ni James. Ito ay ang X-A3 and X-T2 mirrorless cameras at ang Instax Share SP-2

Bago sumalang sa open forum na-ambush si James ng media. “I started with other brands but this one really caught my attention,” rason ni James.

Galing sa Greece si James kasama ang girlfriend na si Nadine Lustre para sa taping ng teleserye nila. “It was amazing. Next time, I will be there for a vacation and not for work,” saad niya.

Nadiskubre ni James ang hilig sa photography bago matapos ang 2015 at habang ginagawa ang On The Wings of Love. “I have a lot of memories with this camera,” sabi niya.

Ilalabas niya raw sa kanyang Instagram account ng mga pictures na nakuhanan niya. Pero may videos din siyang ipu-post sa IG.

Sa tanong ni Ricky Lo kung sino ang gusto niyang maging model ‘pag kukuha siya para sa portrait, figure at nude, sino ang gusto niya?

Sa portrait, sagot ni James, “Number one, I guess, my girlfriend, yes, Nadine!” Pagdating naman sa figure, ang girlfriend din ang tugon niya.

Pagdating sa nude model, “My pet! Nude. Walang damit. My pet cat!”

Hindi na raw niya mabilang ang pictures ni Nadine na kinunan niya. Madalas daw kasi silang mag-travel. Pero paborito niyang kunan ang girlfriend na natutulog. “Sometimes under! It’s funny! Ha! Ha! Ha!” sagot niya.

‘Yun nga lang, hindi pa raw siya naka-experience kumuha ng pictures ng mga sexy. “I’ll try! Ha! Ha! Ha!” sagot ni James.

Magaling ba siyang photographer? “People say I have the eye. I’m not basically a photographer. I just take photos. If it’s beautiful, I take it,” katwiran ng young actor.

Mas magaling ba siyang photographer kesa aktor? “I’m more good on photography than acting so I guess,” pag-amin ni James.

Sa tanong kung ano ang best photo ni Nadine sa kanya, “It’s actually on my Instagram and the caption is stunning! It’s a photo on Lake Tahoe and all pink. So beautiful!”

Samantala, dahil mainit na pinag-uusapan ang tungkol sa  pagpapa-drug test natanong si James kung handa ba siyang magpa-drug test?  “I guess you have nothing to be afraid if you did not do anything wrong, so why not?” 

Suportado rin niya ang kampanya ni President Digong laban sa droga.

Pabor din siya na magkaroon ng random inspection sa mga music fest.