Vice naiinis na pinagtatawanan kahit nagpapa-seksi
Sobrang natutuwa si Coco Martin sa dalawa niyang alagang bulilit sa Ang Probinsyano na sina Makmak (McNeal “Awra” Briguela) at Onyok (Simon Ezekiel Pineda).
Kuwento ni Coco sa interview, makukulit lang daw ang dalawang bata pero mababait ang mga ito sa kanilang pamilya tulad niya.
Hindi lang daw sa harap ng TV nagtuturo si Coco ng kagandahang asal sa kanilang mga viewer kundi maging sa likod ng kamera lalo na kapag kausap niya sina Makmak at Onyok.
Samantala, nagpapasalamat si Coco at nakakasama niya ang mga veteran at mahuhusay na aktor ng industriya mula pa kay Eddie Garcia, Albert Martinez, at Cesar Montano.
Wish din niyang makatrabaho sina Robin Padilla at Phillip Salvador na tiyak na marami raw siyang matutunan.
Natupad na rin ang wish ng fans na umapir si Vice Ganda sa Ang Probinsyano.
Naloka at na-bad trip lang si Vice dahil kahit daw nagpapaseksi siya sa eksena ay pinagtatawanan pa rin siya ng fans. Ipinagdidiinan pa ni Vice sa kanyang Instagram na huwag siyang tawanan dahil hindi siya nagkokomedi, kundi nagpapaseksi.
Pero nakakatawa pa rin kasi ang itsura niya kaya kwela sa mga manonood ang kanyang appearance sa Ang Probinsyano.
- Latest