Matagal inayos ang gusot, Juday at Piolo nagbalikan na!

Para sa bagong campaign ng Sun Life Financial, ang Money for Life, tatlong bagong endorsers ang kinuha ng kumpanya, and mind you, puro bigatin sila, huh! Sila ay sina Charo Santos-Concio, Matteo Guidicelli and Judy Ann Santos. They will be joining Piolo Pascual who is a long-time Sun Life Ambassador in this latest campaign to promote financial literacy.

Kahapon ay nagkaroon na ng press launch para sa nasabing bagong campaign na dinaluhan nina Piolo at Juday. Matagal nang pangarap ng kanilang fans na magkasama ang dating magka-loveteam sa isang proyekto at ang Sun Life lang pala ang magbibigay ng daan para mangyari ito.

Sa presscon ay natanong si Juday kung ano ang pakiramdam niya na magkasama na sila ni Piolo bilang endorsers ng Sun Life since for the longest time ay inaabangan talaga ng kanilang mga fans ang kanilang reunion.

“You know, working together for a certain cause doesn’t really bug me. Why? Because I’ve been working with Piolo for the longest time. Nagpahinga lang kami ng mahabang panahon. Bakit? Kasi, may mga bagay na kailangang isaayos.

“Ito kasi, parang matanda na kami, hindi ba? Kung halimbawa ngang sabihin natin na duma­ting ang panahon na parang ayaw mo pa rin, parang med­yo hindi na yata magandang pakinggan.

“Lahat naman, nagagawan ng paraan and eto, hindi naman ‘to pelikula, eh. We are working for a cause, we are working for Filipino lives to be better, and bakit hindi?” sey ni Juday.

So, kailan naman sila magkakasama sa pelikula or teleserye?

“In time. Siguro given the proper project, the right story at the right time, bakit hindi? Kung hindi ako mukhang mascot, pwedeng ngayon na, eh,” natatawang sabi ni Juday.

“Pero give me time,” dagdag pa niya.

May lumabas kasing tsika na gagawa sila ng movie pero hindi natuloy at say ni Juday, hindi rin niya alam kung saan galing ‘yun.

“Hindi ko naiintindihan kung saan galing ang issue about it, kasi wala naman talagang napag-usapan. In all honesty, walang napag-usapan, walang storycon na nangyari. Wala.

“So, parang kung minsan, lumalabas lang na parang palagi akong nagde-deny pero ‘yun po talaga ang totoo. There was no meeting about any movie, there was no storycon for a movie, and if it will happen, it will happen,” pahayag ng aktres.

Samantala, matagal na palang kliyente si Juday ng Sun Life Financial.

“Even before na lumapit ang Sun Life for an endorsement, I’ve been a Sun Life client for the longest time. Sun Life ang unang-unang insurance na kinuha ko. Mara Clara pa lang ako. Ganu’n na katagal ang Sun Life sa akin,” she said.

Bata pa raw siya ay talagang nag-iisip na siya for the future and as early as 19 ay alam niyang hindi forever at stable na trabaho ang pag-aartista.

Bilang mga endorser ng Money For Life ay mapapanood sina Charo, Piolo, Judy Ann and Matteo sa pinakabagong TV commercial ng Sun Life. Ito ang unang pagkakataon na magsasama-sama sa isang campaign ang mga nasabing bigating artista.

Piolo matagal nang hinihintay si Juday

Ayon naman kay Piolo, noon pa naman daw ay si Juday lang ang hinihintay niya para magkasama sila sa isang proyekto. In fact, nag-pitch-in na nga raw siya ng materyal na pwede nilang gawing dalawa at ipinasabi niya kay Direk Joyce Bernal.

Nagustuhan naman daw ni Juday ang materyal pero ‘yun nga, hindi pa nga lang daw talaga natutuloy.

“I’ve just been waiting, nasa kanya naman po ‘yun, but you know, just like what I said, she’s been a big part of my success and anytime she’s ready, I’m always here for her,” sey ni Papa P.

Block screenings na P1700 ang bayad pinagtanggol ng fans ni Alden

May mga nagsasabing parang may demolition job daw ngayon kay Alden Richards at gusto siyang pabagsakin ng ilang taong walang magawa at ginagawan siya ng issue.

Tulad na lamang ng block screenings ng Aldenatics na ginawan nila ng issue na kesyo nagpapabayad diumano si Alden ng 1,000 para sa meet and greet at 700 sa panonood ng Imagine You & Me.

Nais lang linawan ng kampo ni Alden na hindi ito bayad para kay Alden at hindi rin napunta sa kanya. Unang-una raw ay walang kinalaman si Alden sa ginawa ng fans club niya at mabuti naman ang purpose ng Aldenatics dahil idu-donate pala nila ito sa Kapuso Foundation, Damascus at Senior Citizen group of Quezon City.

Kaugnay ng malisyosong is­yung ito ay naglabas ng statement ang Aldenatics para maliwanagan ang lahat.

“This is to address all the rumors and derogatory words that had been thrown against ALDENATICS and some of its members, particularly Gellie Fandino, these past few days.

“It is to inform everyone that last Jul 13, 2016, 3 o’ clock in the afternoon we held our Special Block Screening of Imagine You and Me at three (3) Cinemas of Robinsons Magnolia for Php 700 inclusive of movie pass, snacks, shirt and customized ticket. We indeed offer (40) VIP tickets for members for Php 1700 to cover the payment of one cinema, particularly Cinema 1, to all the beneficia­ries of our Blockscreening (Damascus Foundation, Senior Citizens of QC and GMA Kapuso Foundation) to be able to watch the movie for free. This Cinema 1 housed all he beneficiaries, special guests, VIPs and Alden and his entourage. All sponsors gave packages that were all given out as raffle prizes to all attendees in cinemas 3 and 4.

“The Meet and Greet with Alden was just a mere consideration for all those who willingly availed the VIP tickets. That the excess of the proceeds of our Special Block Screening were fully donated to Damascus and Senior Citizen group of Quezon City... We will be posting all the documents to support and justify everything in due time,” ang parte ng official statement.