Maine may sariling chapter sa libro ni Alden

MANILA, Philippines – Ibinahagi ng Pambansang Bae na si Alden Richards na magkakaroon ng special chapter ang kanyang book na tungkol sa kanilang dalawa ni Maine Mendoza. Napaka-importante raw kasi ng dalaga kaya naman hindi pwedeng hindi siya maging bahagi nito. Aniya, “The book is going to be their access to my journey in the business and meron pong chapter na tungkol sa amin ni Maine. So, I’m very much excited to share it to all of you.”

Mark nagpaiyak agad

Umpisa pa lang ng pilot episode ng bagong co­medy series ng GMA 7 na Conan, My Beautician, ay winner na ang mga karakter ng mga beautician sa Salon Paz.

Ang bidang si Mark Herras naman, pinakilala na agad as Conan, unang scene pa lang ay nakadamit babae na siya para mag-apply bilang bagong beautician sa salon ni Vangie Labalan.

Marami rin siguro ang naka-relate sa pang-iiwan na ginawa ni Jay Manalo kay Lotlot de Leon para sumama sa ibang babae. Pinamalas din ni Mark ang dramatic acting niya rito habang binubuhos ang galit sa ama. Siyempe pa, ‘di pahuhuli si Cacai Bautista. Feeling namin, maraming viewers ang matatawa at maiinis sa karakter niya.

May bago na naman tayong tututukan tuwing Linggo sa ganap na alas-singko ng hapon.